宏福苑五級火｜屋苑前保安爆警鐘系統常關 工人違規吸煙 上級漠視憤而辭職

黃先生揭發消防系統經常被關閉

在商台節目《在晴朗的一天出發》中，擁有10年物業管理經驗的黃先生詳述他在宏福苑的所見所聞。他表示初來屋苑時已盡快了解環境，並向上司提出改善建議，「但發覺自己講完，佢哋又好似唔係好理嘢。」黃先生特別提到消防警報系統不時被關上的嚴重問題，上司解釋是為方便工人從走火樓梯出入，「因為有時工人做完嘢會污糟，就安排佢哋喺走火梯出入，就唔使經過大廈大堂。」當警報系統被關閉後，走火樓梯大門不會響起警報，連消防水泵亦會暫停運作，嚴重影響大廈安全。

防火門長期打開引發多重風險

黃先生更發現工人會以物件卡住防火門門隙，令防火門長期打開。他見到這種情況會主動「幫手閂返」，但強調防火門長開不只會出現消防問題，更會引伸保安問題。「防煙門經常打開，黃生表示除咗影響防火，亦變成無掩雞籠，好多外人可以出入」，他擔心「可以有賊入嚟大廈爆格，可以有陌生人入嚟唔知做咩，唔一定係火警。」這種管理漏洞令整座大廈的安全防線形同虛設，任何人都可以隨意進出。

親眼目擊工人棚架違規吸煙

今次火災後有街坊在網上表示曾見工人在施工地點吸煙，黃先生證實這個說法屬實。他親眼目擊工人在棚架位置吸煙，稱「住客經常投訴工人在地盤食煙，確認網上工人食煙畫面屬實，向承辦商代表反映過」。每當接到街坊投訴，他都會上去跟進並勸阻工人：「叫工人唔好喺度食煙」，工人當刻雖然配合，但他離開後會否故態復萌就不得而知。他曾向承辦商代表反映，希望他們勸籲工人不要在施工地點吸煙，但效果有限。

上級漠視建議憤而辭職

黃先生透露在宏福苑工作的兩星期期間，發現上司對他的安全建議完全不予理會，「冇睬，冇回應」。工作期間，他感到屋苑保安以及管理層「大部份做事嘅人唔理嘢」好多嘢都可以避免到，見到火災情況好唔開心，他認為自己無法改變現狀因此辭職。但他同時相信，「如果我繼續喺度返工並遇上咁樣嘅事，情況未必會咁worse」，因為屋苑有不少長者，如果他在事發時在場，必定會盡快安排適切行動。