海皇粥店突發宣布全線結業 即日起終止僱傭合約 網民卻不感婉惜

海皇粥店突發宣布結業

海皇國際於昨晚（7日）向全體員工發出終止僱傭合約通知，宣布即日起終止僱傭合約，及後會盡快通知員工未發放的工資、代通知金、累積年假、遣散費等安排，員工可就法律權利及可向公司提出索償的金額等疑問咨詢勞工處，同時宣布全線7間分店結業。海皇國際董事局透露，由於公司的經營環境和財務狀況持續惡化等因素，管理層最終決定終止公司所有業務，並在同日關閉所有店舖及辦公室，公司隨後會以債權人自願清盤的方式進行清盤。

海皇粥店曾興盛一時 坐擁超過30間分店

海皇粥店自1992年成立以來，曾是香港最著名的連鎖粥店之一。在其業務高峰期，海皇粥店在全港擁有超過30間分店，是許多市民早餐的首選。然而，近年來由於經營環境的惡化和內部財務問題，海皇粥店開始逐步減少分店數量，從去年開始，海皇粥店已經關閉了5間分店；截至今年4月，海皇粥店只餘下7間分店。

網民不感婉惜：又貴又唔好食

批評質素差且價格高

有不少網民對於海皇粥店突發結業的消息不感婉惜，批評食品質素差卻價格高，結業是遲早的事：「不可惜，又貴又唔好食」、「正常，啲嘢唔好食」、「食一次已經夠晒數喇，廚佬唔識落味精，頸渴到死」、「價錢上升，質素下降，仲點會揀你」、「呢間係惟一一間可以令我覺得粥都可以咁難食」、「我都唔知幾多年冇食過呢間野，淨係記得佢啲粥好水…」、「越賣越貴」。

感嘆時代變遷及回憶逝去

另外，有部份網民感嘆時代變遷，又一個香港老牌子退出市場：「又一個時代終結」、「就嚟無曬啲童年回憶」、「抵擋不了時代的淘汰」、「又執，香港仲剩翻幾多本地老牌字呀唉」。

遺憾失去便利的粥店選擇

亦有少量網民表示對消息感到遺憾，嘆惜失去便利的粥店選擇：「雖然佢唔係好好食，但就近粥店真係得佢一間，依家執埋真係好可惜」、「病左去食粥既地方都冇埋」。