綠燈「閃燈」過馬路照樣被罰2千蚊！ 網民反應兩極： 過咗一半先閃燈點算？
近日網上瘋傳一段影片，影片拍着旺角匯豐銀行對出十字馬路，有市民在行人過路燈「閃綠燈」時過馬路，隨即被多名警員截停並被罰款$2,000，相關影片引起網民熱烈討論。
多名行人「閃綠燈」時過馬路被罰款
有網民在Instagram上分享相關影片，片中拍着旺角匯豐銀行對出十字馬路，當時可以見到行人過路燈是紅燈，隨後鏡頭一轉就見到有市民被多名警員截停並因被罰款$2,000。據樓主所描述「綠燈斬（眨）緊燈嘅時候衝入去（過馬路）一樣會中招㗎」，相信被罰款的市民於行人過路燈「閃綠燈」時過馬路而被捉到。樓主最後提醒「旺角捉過馬路啊，提醒大家唔好亂咁過啊，我老竇曾經有1次試過，眨燈過馬路一樣被人捉，罰咗啲錢。」
在 Instagram 查看這則貼文
網民反應兩極 有人支持執法亦有人質疑執法標準
有部份網民質疑對於為何「閃綠燈」同樣要被罰而感到不解，對執法標準提出質疑，：「其實綠燈閃緊又未正式轉紅，即係仲係係合法範圍內，點解唔過得？」、「有啲燈一開始綠公仔就會閃咁點算？係咪過唔到？」、「乜閃燈唔係主要用來通知行人行快兩步咩？」、「過到一半先閃燈又應該點？」、「行到一半，中途，綠燈閃，咁我有沒有犯法？」
不過有不少網民就表示支持並解釋「綠公仔閃緊都不能過，這是很多年的法例，很多人都已經忘記」、「綠公仔閃緊已經唔可以過，除非你踏出之際先開始閃，但都要預到底你係行唔行到去對面」、「明知捉人都照行，那就沒辦法了」、「呢個位咁熱門仲膽亂嚟？」、「貪一時之快！銀紙跌得快！」、「企晒人都比人捉果D真係抵」、「成件龜背棟咗喺度，你仲行，唔捉你捉邊個？」
到底「閃綠燈」可唔可以過馬路？
根據運輸處資料，當行人過路燈「綠色人像」燈號閃動時，就不可開始橫過馬路。另根據《道路交通（交通管制）規例》（香港法例第374G章）第33(6)條規定，在交通燈控制過路處，行人必須遵從交通燈指示，任何「無合理辯解」違反條例者，可處罰款$2,000。換言之，如果行人在過馬路前已經見到「閃綠燈」，就不可以過馬路；但如果過馬路走到一半才「閃綠燈」，請盡快在「轉紅燈」前過完馬路。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨，信不信由你！不少朋友都喜歡想當年，香港懷舊小食及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！