老屎忽當眾斥00後見老闆唔講早晨、換水都唔識：點解可以無職場禮儀？
打工仔直斥00後新人無職場禮儀：日日西口西面
近日，有打工仔在LIHKG討論區上以「覺唔覺而家啲後生完全唔識職場禮儀？」為題，批評年輕人的工作態度。事主指出年輕人一點也不主動，「唔同老細主動講早晨，等個上司要主動同返你講」、「要換水換紙扮睇唔到，等下家做」，工作的時候亦非常粗心「啲嘢亂咁file ，啲紙飛哂啲角出嚟粗枝大葉」，加上經常黑面令人感覺難以相處「吱都唔笑西口西面」。
00後食飯禮儀最恐怖：咩都唔識成個巨嬰咁
事主再度補充，除了工作態度，平時食飯時的待人接物都很有問題。「唔識主動拎位、唔識幫人斟茶、唔識幫人落單、幫你斟茶唔講唔該/ 兩隻手指敲兩下、唔識等前輩夾第一下先」等等，在簡單的食飯禮儀中已看出現代年輕人的為人處事很有問題，事主更直指特別是00後尤其麻煩，「發現大部分後生仔都係咁，特別00後，真係一蟹不如一蟹，唉！」
打工仔抱怨獲大量負評：人工包埋做呢啲？
樓主的抱怨卻意外引起大量網民的負評，有不少網民都直指是他的要求過分思想守舊，直指「你自己冇手冇腳？」、「我人工包埋做呢啲？？講咁多廢話」，更有網民認為這些是刷鞋行為 00後才不想做「係有實力嘅靠自己都上到位，唔洗用你呢啲旁門左道！講到尾，你都係想用自己職權攞着數姐！」、「老屎忽！有料點解要擦你鞋？」、「講嘢咁廢老口吻」、「大家講好聽d都係同事關係，就算有上下級關係都唔係你工人，唔係一定要招呼你」、「好事嚟嘅，冇比啲傳統垃圾文化影響到，嗰啲老一代做曬呢啲所謂人情世故咪變咗老屎忽！」
有網民支持：呢啲係做人基本禮貌
雖然有網民認為樓主是「老屎忽」思想，不過，也有網民指出這是做人的基本禮貌。「係返工/做人既基本禮貌，依啲野做足並唔會令你上到位，但完全唔做，你喺人哋心目中會好突兀，好似遇到個自閉仔咁」、「樓主叫人做好啲禮貌都要俾人X·廢老，依到啲人返過工未，知唔知真正靠擦鞋上位嘅人係點！」、「大家都係obey 公司既goal objective value，所以打好關係大家同一條船都好重要」，更有網民爆笑分享飲茶時的點餐情況，「有d 00後直頭飲茶叫灌湯餃，未過試用期就炒X左佢」、「個00後竟然飲茶嗰陣叫芒果布甸，嬲到我即刻叫老細炒咗佢」，引起網民熱烈討論。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨，信不信由你！不少朋友都喜歡想當年，香港懷舊小食及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！