方皓玟買Elize PARK單位惹攻擊 發文再回應：明星要夠窮先代表到愛香港？

方皓玟買樓惹連登仔攻擊

方皓玟去年擔任旺角東洗衣街新樓盤Elize PARK的代言人，並被拋以564萬購入一個中層單位。早前連登討論區有網民以「方皓玟個threads都幾特別…」為題發文引起討論，有人直指她經歷過離婚及買樓後就開始變得反常「自從佢買咗樓之後，就失常」，對此方皓玟早前拍片回應，她笑言「買咗樓之後失常？我未收樓，所以未失常。」

發文回應：我其實好唔明某d香港人

上周六（15日）方皓玟發文再次回應買樓一事，她配上一張歌曲《HW1》的照片，附文寫道「方皓玟買樓，就已經係原罪？」。

她在帖文中透露，《HW1》包含了不少她的個人想法，當中提到2句歌詞「揀逗留 只因不願放手」及「世界太好始終不夠香港這味道」，她表示：「我既然係有上面歌詞嘅決擇，我選擇喺香港落地生根，只係跟大部份香港人一樣，好俾心機工作，營營役役咗超過20年，先至首置有番自己一個竇，一個安全感，而我買嘅亦唔係d咩豪宅。」

最後她又指：「我其實好唔明某d香港人，對於明星嘅要求係，要做到好窮、最好生活都有問題，先至代表愛香港呢個地方？」

粉絲力撐小明

帖文引起不少粉絲留言，不少人力撐方皓玟「講得好」、「妳有妳自由，駛理佢感受」、「係烏鴉嘅世界，天鵝係有罪」、「勿忘初心」、「努力做好自己想行嘅路就夠，命運自有安排，變犀利嘅人，一樣有對頭人」、「個原罪係你上TVB節目啫。 藝人應該咩平台都上先啱，所以你理得佢哋吖，繼續做自己認為啱嘅野就得啦。 加油！」、「唔使理嗰啲人，你越講就會越顯得你同佢地同級，有是沉默係最好嘅解釋，正所謂明就明，唔明就黎明」、「有啲人係自己過得差又唔抵得人地過得好，呢種心理矛盾現實做唔到啲咩，咪上網打幾隻字發洩囉，唔好理佢地就得」。