深水埗阿婆1招令港男送巨額利是 事後驚覺被騙欲哭無淚 網民揭露真面目

港男慷慨解囊遭騙財

該名好心港男在Threads上以「年初四。我X咗」為題發佈影片，片中見到有名身形瘦削、手持拐杖的婆婆，在街邊用紙巾在抹眼淚，另一手就拿著手機講電話，並大聲說「被人呃錢、瞓了幾日街，要借幾百蚊度日」。港男眼見她楚楚可憐，不忍她無家可歸又缺錢，決定從袋中拿著一疊利是封，另加一張$500元給她。

婆婆連聲多謝，港男就回答「新年快樂！唔多謝，袋好佢，食餐飯」，婆婆又不斷鞠躬道謝「我可以返去喇」、「好多謝你！你真係對我好，我電話無電喇」，港男最後叮囑阿婆盡快回家。不過當港男走遠後，才驚覺自己被騙。

網民揭露婆婆真面目

帖文發佈後隨即引起網民熱烈討論，有不少人認出該名婆婆是「好出名」的騙財慣犯，經常在街上大聲講電話哭訴自己「俾人呃咗錢，同電話裏面嗰個講佢好無情又唔知點樣樣，佢又瞓咗幾日街，跟住問電話裏面嗰個人好似借幾百蚊俾佢交電話費」，利用途人的同情心騙財助她「度難」，相信樓主被同樣方式騙財，「係佢好戲啫，每次用呢招，每次有收穫，佢唔會收手㗎啦，雖然佢上過新聞，但仍然keep住有人中招」、「我呢排撞過呢個呀婆一次，邊行邊大聲講電話，話邊個爭我錢唔還，冇錢過年點點點」、「半個月喺中環坐地鐵返屋企嘅時候撞過佢，佢由中環站開始講電話勁X大聲坐到起碼到旺角，好似先至落車佢一路坐車一路喊」、「好大聲喊住咁話無錢…嗰一刻差啲忍唔住想幫佢，打咗俾朋友同朋友講呢件事，我朋友話佢見過呢個阿婆都係講啲咁嘅說話，叫我唔使理佢」。

留言區中亦有人勉勵樓主「難得佢咁好演技……又喊晒口又鞠晒躬咁。咪當入場睇齣戲囉！」、「勿因此事而忘了善心，他日有需要幫人的時候，無忘初心。有能力幫人是福氣」、「但我都真心欣賞你，響呢個亂世仍然選擇善良」。