莫鎮賢三年後再開演唱會四位美聲女神齊聚《唱好女神》

資深實力派歌手莫鎮賢，繼上次演唱會後相隔三年，將於2024年再次舉辦大型演唱會。這次的《莫鎮賢「唱好女神」演唱會2024》特別邀請了何婉盈、文佩玲、李樂詩及新晉歌手李泇霖，四位才華橫溢的女歌手將與莫鎮賢合作，帶來一場視聽盛宴。演唱會定於2024年4月4日在香港大會堂音樂廳隆重舉行，屆時將演繹多首經典與新歌，包括與何婉盈的《再見亦是朋友》、與文佩玲的《愛全為你》、與李樂詩的《In love with you》以及與李泇霖的《一人有一個夢想》。「三年冇開騷點都有啲緊張，檯燈聲、服裝、歌單，每樣嘢我都親力親為，除咗演唱會仲要兼顧其他工作，呢排都好繁忙。」

合作默契與期待

文佩玲表示錯過了之前的記者會感到非常遺憾，但對於能與莫鎮賢再次合作感到非常高興：「上次有事在身，趕唔切返嚟，我事後睇返啲相，好開心呀。我同莫鎮賢識咗好耐，今次佢搵埋我唱，玩得好開心，有咩事大家都有商有量，合作得好舒服。」何婉盈則對即將到來的舞蹈表演充滿期待，她笑說：「我哋今次要跳老舞，哈哈，所以特登夾晒相同顏色嘅歌衫，到時要做女團跳唱俾大家睇！」

舞蹈與歌唱完美結合

莫鎮賢讚揚李樂詩在舞蹈方面的天賦：「佢平時都好鍾意跳舞㗎，又跳得好睇，到時大家要留意。」李樂詩則謙虛地回應：「我鍾意跳舞，同埋有學跳拉丁舞，所以歌嗰個部份都有啲拉丁味道，排舞師都好照顧我哋，啲舞步唔難又好有活力。」而李泇霖則分享了從莫鎮賢那裡學到的寶貴經驗：「莫老師教咗我好多唱歌技巧，位位女神都咁有氣質，雖然佢哋都係前輩，但真係好nice，喺佢哋身上學到好多嘢，大家好似一個團隊咁。」

未來計劃與慈善活動

莫鎮賢透露，他在2024年的2月、3月及4月已安排了其他演出，並計劃在明年製作一張慈善大碟。他希望透過這張專輯，邀請不同的歌手和學生一起錄音，不僅提昇他們的實戰經驗，同時專輯的收益將捐給慈善機構，幫助有需要的人。