床哥首次回應拉票風波JFFT四子現身科學園跑步活動
床哥對YT影響感到抱歉
原意為YT宣傳新歌，結果被事件搶fo，床哥直言，「對YT嘅影響，我係覺得最唔好意思。」對於他自言跟Edan有共識，但Edan表示立場不同，床哥憶述：「其實當晚我哋傾電話真係有講有笑，佢當下有好大反應，件事發酵成咁大，佢同我都出乎意料。」他直言經此一役，開始意識自己是具影響力的公眾人物。
床哥對未來計劃和感悟
至於可有後悔以Edan事件拉票，他表示起初真的當作閒話家常，看娛樂新聞有甚麼熱話，忽略了後自己是5強入圍者的身份，思考欠周詳，「我意識到原來我都算係音樂人。」米爺不諱言，「以結果論來講，我係後悔。」被問到若時光倒流又會否再說同一番話，床哥直言會先作修飾，可能不直接講名字。當Edan和姜濤首次表態後，床哥承認情緒激動才再開live回應，「情緒係有少少激動，因為佢咁樣回應，我好似被擺喺危險地方，要解釋一下。」問到是否覺得佢傷害你？雞翼幫口表示，純綷覺得要解釋。至於是否意氣之爭？床哥直認，「都覺得有少少係。」對於為何在IG帳號加上「有品」兩個字，他解釋，「我都算有品嘛，只係講番自己立場。」他再次強調自己就是會這樣做的人。
床哥與Edan未來互動
談到IG跟隨者人數上升，JFFT三子強調僅限床哥的IG follower，但床哥直認事件提昇JFFT的知名度，也算是不幸中之大幸。人氣急升，床哥界定自己是Youtuber或音樂人？他表示JYFT實是限定組合，沒料到搞足一年，而且打入叱咤我最喜愛10強。他們澄清跟環球唱片沒有合約關係，純綷YT提出有甚麼搞作就一起配合，但不清楚YT如何跟環球跟進。JFFT四子都表示會如期出席叱咤頒獎禮，始終是第一次，被問到見到MIRROR會如何時，他們笑言經過記者會的經驗，很難埋MIRROR身。至於會否當面跟Edan講句唔好意思，床哥回應道，「我想攬嚇佢，擁抱嚇，又唔係，我覺得對唔住好多人，唔係剩係佢。」他們表示從來沒當面見過，但會盡量破冰，釋出善意，跟明星做朋友。