Steven老婆雯雯韓國童裝踢爆係淘寶貨 價錢賣貴幾倍被指食水深

網店售價賣貴淘寶3倍 網友暗指食水深

見到雯雯網店所售賣童裝衫中，有啲產品更係迪士尼、日本麵包超人等品牌，而價錢當然好親民。睇番網店嘅產品其中一款未有標明產地嘅幼兒淨色套裝，店內售價99蚊港元，但係淘寶就只係賣26蚊人仔（約30港元），賣貴接近3倍，有網友指如果自己係淘寶買一件連運費都唔洗100蚊港幣，暗指雯雯食水深。

網友溫提產品有機會反商品說明條例！

另外網店有疑似「A貨」日本麵包超人圖案女童連身裙為例，淘寶同款價錢為35蚊人仔（約40蚊港幣），但係雯雯網店就賣100蚊港幣。加上雯雯係IG有表明產地係「韓國」，有網友溫馨提示佢咁做係反商品說明條例，隨時可以被海關拘捕。

雯雯IG「唔忿氣」反擊！大讚淘寶平台係優質購物平台？！

因爲有唔少網友係IG留言，雯雯今日凌晨都有出po反擊回應指控，不過字裡行間似乎就流露出「唔忿氣」嘅心情，佢首先表示傳媒報道失實，並表示店鋪都有產品係經香港批發途徑所購買，但傳媒竟然用淘寶購物平台「誤導」讀者思維，同時又認為廣大嘅淘寶平台廣大，所以有世界各地產品，係優質購物平台！之後雯雯網店嘅價錢係明碼實價，仲話公道自在人心，「其實淘寶都有韓國人開户口做生意，唔係淨係得中國人，仲有咩國籍既賣家我就唔清楚 。如果大家知的話，可唔可以分享話我知。」