Missing︳創新劇情峰迴路轉 大量鍵盤戰士技術流出！
廣告
2018年全球大熱口碑電影《人肉搜尋》(Searching)今年再推出第2集《人肉搜尋2》Missing，2月23日正式上映，單係首映優先場已再次贏盡口碑，除咗鍵盤戰士技術再升級之外，仲劇情仲超過峰迴路轉，勢令觀眾完全估唔到。除咗好睇之外，原來呢種「鍵盤戰士技術」可以尋親之外，更可成為大婆神器同埋救命神器？！
人肉搜尋2︳「忘記密碼」功能潛在超大危機
《人肉搜尋2》係一套完全用創新手法拍攝的電影，主要場面都係用手機屏幕畫面、閉路電視片段或爆紅網絡短片等去呈現。電影係講一位鍵盤戰士青少年點用利用現時流行的社交媒體同新科技去展開解謎跨國尋親之旅。當中雖然有唔合犯的「技巧」，但卻被唔少網民發現呢種技巧除咗可以用嚟尋親之外，仲可以成為「大婆捉妖神器」同埋係潛伏超多問題！
例如《人肉搜尋2》中，一開始時主角絲多蕾特就利用忘記密碼呢個功能去破解自己母親男朋友的電郵帳號，進而獲得更多個人資料。通常選擇「忘記密碼」呢個功能時都會問返你一啲個人資料的問題去核對你的身份，呢啲資料可能喺你個人的社交媒體上已經涉露唔少，從而令人容易破解。
人肉搜尋2︳一個電郵帳號起晒所有個人資料！
而且唔好以為俾人破解電郵帳號無咩大不了，因為Android、APPLE的用戶好多時都會同時同步咗電郵帳號，一拎到電郵帳號就可以進而獲得更多個人資料，就好似《人肉搜尋2》中咁，女主角就係以此為起點，GPS位置、聯絡人名單、經常使用的軟件等都一一到手，乜嘢黑歷史全部睇晒！
圖片來源：《人肉搜尋2》資料或影片來源：youtube＠SonyPicturesHK
