YouTuber小麻被網民野生捕獲女神形象幻滅！撞樣阿Mag超似樣(有圖)

網民野生捕獲疑似YouTuber小麻 撞樣阿Mag超似樣！

近年急速彈起的YouTuber小麻，自出樣後便在網上引起熱議，有唔少人都大讚佢「夠Pure夠True」。去年5月她為慶祝其Channel達到1萬訂閱數，首度開樣拍片，當時她曾擔心要面臨退訂潮，結果其樣貌獲網民大讚清純又可愛，該段影片至今已有超過51萬Views數，其Channel訂閱數更不降反升，在短短數日內急增達4倍，至今已升到近8萬，可見其受歡迎程度。

女神形象幻滅！

近日就有連登仔指自己「懷疑見到小麻」，在內文貼出一張相信是網民拍攝的照片，其照片中的女事主與小麻十分相似，而且同小麻擁有同一個髮型並且一樣有小小包包臉。照片一出都引起網民熱議，有網民哭訴「MOLAMOLA（冇啦冇啦）」，意指女神形象幻滅。

小麻撞樣林欣彤

有網民就直指小麻個樣同阿Mag林欣彤仲有baby fat時的樣子一模一樣，可以話係餅印一樣，仲有人直言小麻係「分手樣」，被捕獲時個樣好似唔多開心。有網民就直言小麻的YouTube影片是開住白化濾鏡咁去拍片，所以睇上去會有美顏效果。

重溫回應外貌被批一事

小麻之前拍片回應了對於外貌上被批評的一事，直言其實也是正常不過，認為每個人都有醜樣的一面，而對於黑歷史被翻出，她認為「一笑置之」就算，仲指「其實樣貌係點冇乜所謂啦，啲觀眾都睇過晒啦，如果係鍾意你嘅片嘅，就算係睇到你黑歷史都唔會退訂啦」，睇得十分之豁達。

資料來源：連登討論區