光洙智孝姊弟檔!同場加映光洙charm爆時刻

電視

廣告

大家都收到7月《Running Man》首次全員嚟香港搞fan meeting嘅消息了吧?作為RM死忠嘅小編我表示超~級~開~~~心!雖然門票應該貴到阿媽都唔認得(亦未必有錢就搶到),但能夠同佢哋7個腳踏同一遍土地都覺得興奮(咁我都知咁講係好毒嘅…)。

text-Khloe

又話說近幾集《Running Man》都有唔少網民討論「懵光姐弟」呢條疑似 love line(當然冇Gary同智孝嗰條咁搶眼啦),不過光洙oppa對智孝嘅細心表現,令佢除咗有超搞笑嘅形象之外,都有「暖男」嘅加分一面。今次一於要幫光洙oppa洗底,除咗搜羅「懵光姐弟」戲裏戲外嘅合襯造型外,再同場加映oppa超級估你唔到嘅charm爆時刻,準備好未?

光洙,全名李光洙,網民會叫佢「長頸鹿」、「誣陷光洙」、「光凡達」、「RM美男」、「亞洲小王子」、「背叛光洙」、「李光子」等等花名,喺《Running Man》裏面嘅性格都幾mean,鍾意背叛同唱衰人,不過大家都知呢個只係節目效果,唔少圈外內人都話光洙對人細心,人緣好好。

智孝,全名宋智孝,女神級別,雖然唔係咩十八廿二青春女團樣,但保養得宜,夠膽唔化妝上節目嘅韓國女明星真係無咩幾個,所以多次被網民票選「無添加」女神no.1。

 
內容延讀

> 打孖睇!李光洙、金鐘國爆笑賣零食

> 韓星瘋搶蜂蜜牛油薯片 有港版喇﹗

>【可愛到死】10大韓國男神/女神 小時候CUTE樣全面睇

 

「懵光姐弟」熱!

5月10號播出嘅嗰集,智孝同光洙講自己腳痺,估唔到光洙即刻幫佢按摩,暖男指數再加上10分。

4月26日嗰集,主持人們同嘉賓喺鋪滿肥皂水嘅地板進行比賽,光洙一見到智孝姐姐成身濕晒,即刻忙住拎毛巾包實智孝,仲細心扶佢行上前,好sweet。

其實光洙唔白癡嗰時真心唔差,哈哈,唔好唔記得佢之前係做model出身,190身高嘅衣架身形,同樣子甜美又有氣質嘅智孝拍埋都幾襯啊。

除咗《Running Man》外,光洙同智孝各自都有參演唔同韓劇,特別覺得光洙喺《沒關係,是愛情啊》嘅角色打扮同智孝做女主角嘅《急診男女》嘅角色打扮其實好襯,簡單隨性。

內容延讀

> 打孖睇!李光洙、金鐘國爆笑賣零食

> 韓星瘋搶蜂蜜牛油薯片 有港版喇﹗

>【可愛到死】10大韓國男神/女神 小時候CUTE樣全面睇

 

 

好啦,睇完情侶檔就私心嚟幾個光洙charm爆時刻!只係見過光洙同魯芬跳能得利舞?咁你要睇落去啦,chok到爆嘅長頸鹿你又見過未先?

光洙chok到天昏地暗雜誌造型照!(Chok過林峯)

最近幾張雜誌相得到網友們forward到爛,就係4月號嘅《Singles》雜誌。

韓國《Vogue》 都上過,喂喂,無功架點上?(btw,oppa條眉幾有戲!)

同《Running Man》另一成員金鐘國齊上《Cosmo Men》,型棍子。

 

 

 

《Harper’s Bazzar》雜誌照,呢張好似chok過頭,有啲吃不消!(wakaka)

《Grazia》雜誌照,陣vintage男人味真係隔住個mon都聞到(拍手)。