Apple Watch配件在民間 速試!

熱話

廣告

Apple以往出親新product,都肯定會有大堆自家或third party嘅周邊同步登場,偏偏Apple Watch就非常古怪,即使如表帶咁普通嘅嘢,連門市都未有貨,要上網訂購等兩個星期先收到(我條新表帶都係啱啱收到咋!)。數數手指,Apple Watch已經推出咗就快1個月,市面上竟然搵唔到咩大廠出品嘅配件。其實就連認證計劃「Made for Apple Watch」都係5月5日先正式開始,容許third party出表帶俾Apple Watch。同我哋之前叫皮革職人型改皮表帶相比,手腳似乎慢咗啲囉。

《新Monday》有好多跑友潮友都早就買咗Apple Watch,亦都等唔切大廠出貨,決定喺香港某啲腦場入手配件,唔爭在同大家一齊睇下,呢啲民間配件到底買唔買得過?

text-Nam photo-Mike

保護表殼 小心未裝先整花
呢個保護表殼連表帶,睇落非常靚仔,金屬殼又夠霸氣,要用六角匙上實,少少似iPhone用嗰隻金屬bumper,但老實講只係得個樣,首先已經唔太啱位,金屬邊緣位亦冇打磨,都幾刮手,一唔覺意真係會整花隻表,小心。

型格支撐架 幾廿蚊算係咁
又係冇名冇盛(就算有都應該係抄返嚟)嘅手表支撐架,有位俾你放粒(條)磁力充電線喺上面,方便叉電同時展示隻表咁。你以為呢啲實冇死,但原來啲凹位又係唔啱嘅,入咗兩隻色,一隻細到放唔落粒充電,一隻就大咗搞到鬆到彈起,不過勉強用唔係唔得嘅,幾廿蚊算係咁啦。

>

內容延讀

>傳聞iPhone 6s都玩玫瑰金!襯番Apple Watch!即睇

>全港率先教自改Apple Watch皮帶!潮跟!

Apple Watch配件有冇好下場?
早喺Apple Watch未推出之前,網上已有唔少「概念產品」搞集資,之前同都大家分享過。唔記得唔緊要,溫提你之餘,順便又睇下呢堆嘢最近搞成點?

Lunatik 正版會唔會好啲?
熟口面呀?「茅錯!」我哋試嗰個金屬case其實就係抄Lunatik(logo都抄埋,開咗「寫輪眼」咁)嘅,佢幾乎係第一個提出Apple Watch要case嘅牌子,嗰陣覺得好傻,但喺Kickstarter勁多人buy,一早集資成功。可惜最快7月先出到第一水貨,偏偏有人已經抄咗出嚟(兼俾我用埋嚟寫稿),佢都重等緊出貨。不過相信水準同山寨有天淵之別,訂咗嘅到時話我知有幾正囉!

網址:http://epikwatch.com/

Reserve Strap Apple唔俾?改設計照去
Reserve Strap充電表帶本來覺得有用,但用過嘅朋友都知Apple Watch完全唔食電,而且Made for Apple Watch認證亦講明唔俾出充電表帶。但Reserve Strap團隊亦一於少理,而且發現Apple Watch嘅表扣上面有隱藏充電接口,改埋原本嘅設計後照去,不過將定價改到成US$249(約$1,900),邊個會買呀?

網址:http://reservestrap.com/

Monowear Design完全失敗
原本只係Kickistarter project,唔係改表帶、唔係出配件,Monowear Design只係俾你用一個更平價錢買到Apple Watch專用表帶,leather加metal都係US$140,計埋運費各樣都係港幣千鬆蚊,幾抵嘅,不過事實就係連2萬美金都集資唔到,最終只去到50%左右,離目標有一大步,值得諗諗箇中原因。

網址:https://www.kickstarter.com/projects/1843570774/time-for-change-a-band-for-every-occasion?ref=nav_search

Click 6月先出又係等抄
表有乜好玩?講嚟講去都係表帶最主流,所以當初覺得唔造表帶,反而只做adapter嘅Click好聰明,但可惜佢哋似乎冇乜信心嘞,大貨竟然6月先出到。講真呢類adapter一定係早出早贏,如果可以做到近乎同步出並且發貨,就算定到US$25(約$200),第一水玩Apple Watch嘅朋友肯定會買定先,而家呢?估計山寨嘢好快就殺到,而且可能廿蚊買到……

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!