Sogo感謝周必搶!10大特價護膚品套裝

Sogo感謝周必搶!10大特價護膚品套裝

作為1個女人,有乜嘢開心得過見到「Sogo Thankful Week」呢幾個字?冇錯,半年一度嘅Sogo Thankful Week又嚟喇,由5月15日開始至5月31日,大家又可以瘋狂咁掃晒平時唔捨得買嘅護膚、化妝品返屋企。不過識買嘅,就梗係揀最抵又實際嘅嚟買。今次我哋編輯部美容組,就特登幫你精選咗10個銅鑼灣Sogo有售嘅超值套裝,等你唔使左搵右搵。溫馨提示,部分限量發售,但冇限制都總有賣完嘅時候,有心水就不妨早啲去排隊!不過都係嗰句啦,睇住啲卡數啊!

text-Emily

1. Clinique Moisture Surge 水嫩保濕霜套裝 $365(原價$645
Clinique有咩王牌產品?梗係Moisture Surge啦!重使問嘅!尤其係而家呢啲咁熱咁「立」嘅天氣就最啱用。4樣產品加埋都唔使400蚊,唔買對唔住自己啦。

 內有深層特效水嫩補濕霜 50ml及15ml各一、水嫩補濕噴霧30ml及眼部護理水凝霜 5ml。

包括深層特效水嫩保濕霜 50ml及15ml各一、水嫩保濕噴霧30ml及眼部護理水凝霜 5ml。

 

2.Valmont升效更新煥膚套裝 $2,000(原價$3,000),限量200
Valmont呢個貴婦牌,一直都唔係我呢啲凡人可以買得起嘅,但其實佢都有紆尊陳降貴嘅時候。今次呢款套裝平咗成千蚊,算係咁啦,重有埋更新煥膚面膜,未試過一定要趁機入貨,不過得200套,手慢少少都肯定冇!

包括升效更新煥膚面膜50ml、升效水凝日夜補濕霜15ml、淨之泉潔膚乳5ml、生命之泉潤膚露5ml、面部磨砂膏5ml及升效唇部修護精華乳 3ml。
包括升效更新煥膚面膜50ml、升效水凝日夜補濕霜15ml、淨之泉潔膚乳5ml、生命之泉潤膚露5ml、面部磨砂膏5ml及升效唇部修護精華乳 3ml。

 

內容延讀

終極再慳!6招抗通脹慳錢扮靚貼士

睇片學化妝!慳唔少

3.Sofina 美白防曬護膚套裝 $320(原價$720),只限517
講到防曬,識用嘅應該已經用緊Sofina,嚟到夏天就更加要狂入貨。今次呢個套裝除咗防曬,重有化妝水、乳液再加多支防曬嘅旅行裝,成日去旅行嘅你就啱晒 ﹗唔想排係「龍尾」,5月17日約定你﹗

包括美白活膚全效防曬乳液SPF50+  32ml(清爽)及旅行裝 9ml、精華露旅行裝 30ml及精華乳液旅行裝 11g。
包括美白活膚全效防曬乳液SPF50+ 32ml(清爽)及旅行裝 9ml、精華露旅行裝 30ml及精華乳液旅行裝 11g。

 

4.Shu Uemura Yazbukey 王牌潔顏油套裝 $640-$670(原價$1,070-$1,100
如果閣下係植村秀卸妝油嘅粉絲,咁呢個套裝就一定係為你而設!平時1支450ml嘅卸妝油已經超過$600,而家加多兩支細嘅卸妝油,同埋精華素等產品,都只係600幾蚊,你真係忍到手?

包括任何一款皇牌潔顏油450ml、琥珀活肌潔顏油50ml、火山泥淨白潔顏油15ml  、光感新肌精華水50ml及活膚面霜13ml 。
包括任何一款王牌潔顏油450ml、琥珀活肌潔顏油50ml、火山泥淨白潔顏油15ml
、光感新肌精華水50ml及活膚面霜13ml 。

 

5.SK-II 晶瑩剔透奇蹟套裝 $540(原價$927),只限515
SK-II神仙水,細細個就聽過啦 ,想試又覺得貴?今次機會嚟喇,呢個set係專為入門新手而設,樣樣王牌產品都有得試吓,500幾蚊抵玩啦!

內有護膚精華75ml、嫩膚清塋露30ml、護膚面膜1片及肌源緊致精華面霜15g。
內有護膚精華75ml、嫩膚清塋露30ml、護膚面膜1片及肌源緊致精華面霜15g。

 

內容延讀

終極再慳!6招抗通脹慳錢扮靚貼士

睇片學化妝!慳唔少

6.Helena Rubinstein植物幹細胞再生晚間精華套裝 $1,680(原價$2,821),限量200套
一見到個價錢,真係以為自己睇錯。因為$1,680正正就係1支植物幹細胞再生晚間精華嘅價錢,換言之,呢個set入面嘅其他產品,都係送俾你嘅,會唔會太開心?

包括植物幹細胞再生晚間精華30ml、面膜20ml、精華露10ml、眼霜3ml、面霜15ml及純淨活肌潔面泡沫20ml。
包括植物幹細胞再生晚間精華30ml、面膜20ml、精華露10ml、眼霜3ml、面霜15ml及純淨活肌潔面泡沫20ml。

 

7.Cle de Peau Beauté 煥活細胞精華奢華套裝 $2,500原價$3,430),限量300套
自從用過佢支柔膚水之後,就深深愛上咗Cle de Peau Beauté嘅產品。雖然係貴,但好用就乜都抵番晒啦。淨係支Le Serum都$2,500,其他又係送嘅﹗入面4款王牌面部產品,就連Body Cream都有,一次滿足幾個願望!

包括平衡柔膚水 30ml、煥活細胞精華 40ml及6ml各1支、極致修護調膚水30ml、卸粧乳霜 20ml及盈亮緊緻身體乳霜 30ml。
包括平衡柔膚水 30ml、煥活細胞精華 40ml及6ml各1支、極致修護調膚水30ml、卸粧乳霜 20ml及盈亮緊緻身體乳霜 30ml。

 

8.Lancôme 草本活膚日霜套裝 $560(原價$ 1,030)
呢個草本系列口碑唔錯,因為成份溫和,連比較敏感嘅皮膚都啱用。平時要千幾蚊嘅產品,今次平咗近一半,真係咪話唔益你!

包括草本活膚日霜50ml、潔顏露15ml、保濕露50ml、晚間凝霜15ml及全方位防禦抗曬清爽乳霜 SPF 50/PA+++ 10ml。
包括草本活膚日霜50ml、潔顏露15ml、保濕露50ml、晚間凝霜15ml及全方位防禦抗曬清爽乳霜 SPF 50/PA+++ 10ml。

 

9.Biotherm溫泉水潤保濕凝膠優惠套裝 $500(原價$1,011
你冇睇錯,總共係有8樣產品咁多,當中嘅溫泉水潤保濕凝膠同溫泉爽膚潔面霜,重係原裝size添。500蚊就可以拎咁多嘢走,Biotherm對粉絲真係好!

包括溫泉水潤保濕凝膠 50ml、爽膚潔面霜 150ml及50ml各1支、爽膚潔膚水 100ml、深層保濕導入精華 5ml、冰感眼霜 1ml、水瀅修護調色C.C. 霜5ml及果漾乳滑潤體乳 10ml。
包括溫泉水潤保濕凝膠 50ml、爽膚潔面霜 150ml及50ml各1支、爽膚潔膚水 100ml、深層保濕導入精華 5ml、冰感眼霜 1ml、水瀅修護調色C.C. 霜5ml及果漾乳滑潤體乳 10ml。

 

10.Bobbi Brown 持久耀目套裝 $400(原價$632),只限517
講咗咁多護膚品,點都要講返啲化妝品平衡吓嘅。眼影唔係日日搽,眼線我就一定日日畫。Bobbi Brown眼線gel就出晒名好好用,而家買兩個再送多個掃,都只係$400,入硬!

包括持久眼線啫喱 #黑色3g x 2及迷你精細眼線掃1支。
包括持久眼線啫喱 #黑色3g x 2及迷你精細眼線掃1支。

 

Sogo 銅鑼灣軒尼詩道555號 2833 8338

 

內容延讀

終極再慳!6招抗通脹慳錢扮靚貼士

睇片學化妝!慳唔少

 

YOU MAY ALSO LIKE ...

There is 1 comment

Add yours
  1. 新Monday / 搶完Sogo,再搶一田!5大必掃抵買美容套裝 - 新Monday

    […] > 買完再買!Sogo感謝周10大必搶! […]


Comments are closed.