懷舊夜﹗6間食咗後童年回憶出晒嚟嘅餐廳

懷舊夜﹗6間食咗後童年回憶出晒嚟嘅餐廳

正所謂「煲劇要煲大時代,Jordon要著第一代」 ,細個食過嘅嘢你總會記得。要懷緬過去,大家不妨睇睇呢幾間懷舊主題食店,梗有一間啱你口味。

坐喺以前坐過嘅樓上雅座,食細個時最有人情味嘅豬扒飯,飲支最有童年回憶嘅汽水,等你搵返懷舊嘅事物。

text-William photo-Pakco、Lok、King Ho、網上圖片

 

葵涌再現車仔檔粉仔 媽媽級懷舊味道

如果閣下年紀有番咁上下(至少係前期80後),同時又住喺葵涌石籬(以前石梨貝邨)嘅話,你一定會食過當年喺石梨貝邨4座嘅車仔檔粉仔。近年唔少地區食店都重出江湖,老闆尉哥把心一橫,決定開店,重現當年媽媽親自推車仔賣嘅粉仔。
本身粉仔係客家人過時過節嘅應節食品,但對石籬居民嚟講就係陪伴成長嘅回憶。粉仔成分相當簡單,用日本麵粉,由人手搓成麵糰,再切成扁長嘅細條,睇落似粗短版上海麵。湯底亦簡單,勾咗芡嘅豬骨湯配上冬菇蝦米尋常材料,每朝開鋪前熬製4個鐘,真係心機嘢嚟。

招牌粉仔 $20(小)、$28(大) 為咗重現返當年車仔檔嘅原裝味道,老闆媽媽都會係廚房監工,務求食客回憶返兒時片段。
招牌粉仔 $20(小)、$28(大)
為咗重現當年車仔檔嘅原裝味道,老闆媽媽會喺係廚房監工,務求令食客憶起兒時片段。
三溝(粉仔、魚肉碗仔翅)$28 店內食物貴精不貴多,除咗粉仔,重有碗仔翅、生菜魚肉同魚蛋。特別推介三溝,貪心少少,一次試晒三大王牌,魚肉冇粉味,帶點陳皮香,碗仔翅夠足料,正呀喂。
三溝(粉仔、魚肉碗仔翅)$28
店內食物貴精不貴多,除咗粉仔,重有碗仔翅、生菜魚肉同魚蛋。特別推介三溝,貪心少少,一次試晒三大王牌,魚肉冇粉味,帶點陳皮香,碗仔翅夠足料,正呀喂。
店內裝修由老闆細佬George同朋友負責設計,感覺相當摩登,潮味十足,皮製嘅Menu同牌匾更係由本地皮具Amazing Crew Crafts設計,好搶眼。
店內裝修由老闆細佬George同朋友負責設計,感覺相當摩登,潮味十足。而皮製嘅Menu同牌匾更係由本地皮具Amazing Crew Crafts設計,好搶眼。
老闆尉哥父母自86年已經出黎賣「粉仔」,到01年光榮結業,當地唔少居民都大感可惜。依家重返故地,唔少搬咗出去嘅街坊都特登返嚟食返碗。
老闆尉哥父母自86年已經推車賣粉仔,到01年光榮結業,當地唔少居民都大感可惜。而家重返故地,唔少搬走咗嘅街坊都特登嚟食。

石籬粉仔
地址:葵涌石籬大隴街143號葵都大廈地下5號鋪
電話:3565 5956
營業時間:11:00am-7:00pm(星期日休息)

 

 
內容延讀:

搵返童年回憶 6月必去荔園pop up

咪俾人知你食過﹗10大懷舊零食

萬歲懷舊車仔麵 紅白機綠寶大晒冷

「皇上萬歲萬萬歲……」等等先,若果大家嫌電視播緊套劇變晒小畫家咁唔精采,呢間萬歲布置色彩繽紛,眼球都會睇得舒服啲。萬歲喺炮台山嘅小巷,但行過你一定會被佢嘅外型吸引住,霓虹燈招牌、懷舊漫畫海報、紅白機舊玩具,重有由細飲到大嘅綠寶。
老闆阿煒本身做開櫥窗設計,好有藝術天分,由細到大都好鍾意儲兒時嘅小玩意,開店就將自己嘅專業同興趣合而為一,裝潢靚到好似做懷舊展覽。咪以為萬歲得個樣,阿煒同拍檔Sam對出品好有要求,每樣餸都諗過度過,魚蛋要舊式陳皮魚蛋,紅腸要細個用嚟煮家庭西餐嗰隻,煮一粒溏心蛋都要反覆試驗,食過好食先出街。

麵底 $15,車仔餸每個平均 $6起,沙律丸爆出沙律醬,咖哩魷魚香濃又辣,糖心蛋半凝嘅蛋黃入口順滑,夠哂入味。
麵底 $15,車仔餸每款$6起,沙律丸爆出沙律醬,咖哩魷魚香濃又辣,糖心蛋半凝嘅蛋黃入口順滑,夠晒入味。
店中皇牌綠寶,當年係力抗外國可口可樂嘅本地薑汽水(但其實佢無汽),絕跡多年,係阿煒特登係泰國搵返嚟,成本高,但為咗支綠寶,你睇下老細可以去到幾盡。
店中王牌綠寶,當年係力抗外國可口可樂嘅本地薑汽水(其實冇汽),絕跡多年,係阿煒特登喺泰國搵返嚟,成本高,但為咗支綠寶,你睇下老細可以去到幾盡。
如果你曾經擁有或知道圖中嘅漫畫玩具,數量而又多過10個或以上,我肯定你已經過咗30歲。
如果你曾經擁有或知道圖中嘅漫畫玩具,數量又多過10件,我肯定你已經過咗30歲。

鋪頭細細,但Details位極多,等碗麵煮完我都未欣賞完老闆嘅收藏呀。
鋪頭細細,但details位極多,碗麵煮完,我都未欣賞完老闆嘅收藏。

萬歲車仔麵
地址:北角炮台山宏安道2-12號宏暉大廈地下9號鋪
電話:3105 9681
營業時間:12:30nn-8:30pm

 

 
內容延讀:

搵返童年回憶 6月必去荔園pop up

咪俾人知你食過﹗10大懷舊零食

課室主題樓上CAFE 同「學生」食甜品
那些年嘅學校回憶,我諗大家重印象深刻。?旺角區樓上cafe可能多到你數唔到,近期又多咗間用學校課室做主題,將當年我哋一齊坐過幾年嘅檯檯櫈櫈足本重現,檯上重有塗改畫過嘅塗鴉,你讀書時係咪都畫過?
呢個咁有那些年feel嘅中學課室,食嘅嘢係西式甜品。班底來自大型甜品店,不過就加入更多創意,自成一格。例如心太軟來來去去都係朱古力同綠茶味,呢度就有香蕉味,蛋糕內外都加入白朱古力同新鮮香蕉,蕉味勁濃,連梳乎厘都有Tequila Rose味揀,夠特別,要試!重有店內waiteress會cosplay着校服,啱晒feel。

CAFE食物,課室環境,仲重有跳飛機你玩,係咪正先?
Cafe食物,課室環境,重有跳飛機你玩,係咪正先?
香蕉心太軟 $46 蛋糕同流心同樣加入新鮮香蕉同白朱古力,焗完一放上枱就聞到蕉味,一定要趁熱切開,裡面嘅流心就湧出嚟,真係視覺味覺都享受到。
香蕉心太軟 $46
蛋糕同流心餡都加入新鮮香蕉同白朱古力,焗完一放上枱就聞到蕉味,一定要趁熱切開,裡面嘅流心湧出嚟,真係視覺味覺都享受到。
Tequila Rose梳乎厘 $42 公然係課室飲酒,係咪想記過?放心,呢隻酒其實酒味好淡,梳乎厘一入即化,帶d酒香,食完唔會醉。
Tequila Rose梳乎厘 $42
公然喺課室飲酒,係咪諗過,但冇做過?梳乎厘入口即化,帶點酒香,食完唔會醉。

Hea Dessert Café
地址:旺角登打士街43H號登打士廣場5樓
電話:9858 4459
營業時間:12:00nn-2:00am

 

 
內容延讀:

搵返童年回憶 6月必去荔園pop up

咪俾人知你食過﹗10大懷舊零食

工廠台式小清新 環境激似那些年
小時光一開業,唔止吸引到觀塘工業區嘅OL,重有大量年輕人,可能大家都好嚮往那些年嘅學生情懷。店內週圍都有台灣學校嘅擺設,搞到大家以為去咗間台灣舊學校,不過書櫃擺放嘅竟然係漫畫,另一邊放置嘅就係鐵皮玩具,超有童真。食物方物當然係傳統嘅台式料埋,午市提供嘅魯肉飯便當、牛肉麵,水準不俗,重有鹽酥雞等小食。

開業無耐,但由於環境同食物太過吸引,已經吸引唔少人嚟朝聖。
由於環境同食物吸引,一間業即吸引唔少人嚟朝聖。
魯肉飯便當,飯粒略嫌未夠腍,不過一個便當嘅飯同餸都分量十足,抵哂。
魯肉飯便當,飯粒略嫌未夠腍,不過一個便當嘅飯同餸都分量十足,抵食。
你到底做錯咩事呀,要喺輔導室食飯?
你到底做錯咩事呀,要喺輔導室食飯?

小時光
地址:觀塘興業街16-18號美興工業大廈1樓
電話:3188 2380
營業時間:12:00nn-6:00pm

 

油麻地歷史茶記 
身為香港人未食過美都?咁你一定還年青呀!至今已經有60幾年歷史,係香港年紀數一數二大嘅茶記。餐廳嘅陳設依舊未變,一上二樓,紙皮石地板、綠白配色窗框、老舊吊扇同埋木卡座,望出窗重見到啲伯伯喺公園捉棋,懷舊感出晒嚟。嚟到識飲一定飲熱奶茶,同埋食即叫即焗嘅焗豬扒飯,老店舊味道,重係遊客必到嘅景點添!

美都餐室最出名係咩?咪就係杯奶茶囉!
美都餐室最出名係咩?咪就係杯奶茶囉!
即焗豬扒飯,熱辣辣香噴噴。
即焗豬扒飯,熱辣辣香噴噴。

200610081413518946796873

美都餐室
地址:油麻地廟街63號地下
電話:2384 6402
營業時間:8:30am-9:45pm

 

 
內容延讀:

搵返童年回憶 6月必去荔園pop up

咪俾人知你食過﹗10大懷舊零食

懷舊荔園主題 食物玩味十足
相信各位80後都有去過荔園嘅回憶,縱然你可能未去過,但你總會喺親朋好友口中聽過。成間餐廳好多影相位,例如門口嘅大象「天奴」、旋轉木馬,座位又以「恐龍屋」、「神秘寶洞」區分,個個位都極容易勾起兒時回憶。食物方面亦玩味十足,有得食有得玩,但價錢偏貴,味道一般,不過回憶係無價嘅。

餐廳門口擺放咗大象天奴同旋轉木馬,天黑個招牌更會着燈,好夢幻。
餐廳門口擺放咗大象天奴同旋轉木馬,天黑個招牌更會着燈,好夢幻。
天奴夢幻樂園 $88 老闆砌嘅大象樂園積木,上面有cupcake、自家製軟雪糕、雜果同爆谷,上檯時更有乾冰放煙,大人細路見到都一定尖叫。
天奴夢幻樂園 $88
老闆砌嘅大象樂園積木,上面有cupcake、自家製軟雪糕、雜果同爆谷,上檯時更有乾冰放煙,大人細路見到都一定尖叫。
加油!(綠茶乳酸特飲) $88 可以揀綠茶乳酸或百香果乳酸,呢壺用日本抹茶粉沖調而成。1壺有1L咁多,可以用加油槍唧出7至8杯特飲,幾抵飲。
加油!(綠茶乳酸特飲) $88
可以揀綠茶乳酸或百香果乳酸,呢壺用日本抹茶粉沖調而成。1壺有1L咁多,可以用加油槍唧出7至8杯特飲,幾抵飲。
呢個恐龍屋icon好似冇荔園嗰個咁得人驚,小朋友都唔會被佢嚇親。
呢個恐龍屋icon好似冇荔園嗰個咁得人驚,小朋友都唔會被佢嚇親。

荔苑樂園餐廳
地址:佐敦德興街7A-7B號地下
電話:2377 2882
營業時間:07:00am-01:00am

 

 
內容延讀:

搵返童年回憶 6月必去荔園pop up

咪俾人知你食過﹗10大懷舊零食

海洋公園週末 老大街吃喝玩樂
提下大家,其實海洋公園內都有條香港老大街,布置成60、70年代,行到尾重有部電車,總之成條街都勁有feel,絕對係大家影相呃like嘅好地方。
嚟緊每逢星期六、日,老大街重會有特別節目,如「週末玩轉老大街」,集結多項港人最懷念嘅回憶,有我最想食嘅港式街頭小食同糕餅,重有童玩同民間手藝,跳大繩、玩木劍球、抓豆袋,我諗90後嘅你都未玩過。你重可以參演街頭劇,重演經典粵語片劇目,試下扮《七十二家房客》嘅角色。

到時香港老大街重會上演一幕幕街頭劇,用返七十二家房客,你行過隨時亂入做配角!
到時香港老大街會上演一幕幕街頭劇,如《七十二家房客》,行過時可亂入做配角!
到時重有好多典港式小食,狗仔粉、烚花生、涼果、大菜糕、龍鬚糖同叮叮糖等等等。
到時重有好多經典港式小食,狗仔粉、烚花生、涼果、大菜糕、龍鬚糖同叮叮糖等等。
夾餅 $23/件
夾餅 $23/件
豬籠餅 $28/件
豬籠餅 $28/件
狗仔粉 $32/碗
狗仔粉 $32/碗
海洋公園仲邀請咗唔少隱世嘅民間手工藝師傅,即席示範臨近失傳的糖畫、織草蜢及麵粉公仔等手藝。
海洋公園重邀請咗唔少隱世嘅民間手工藝師傅,即席示範臨近失傳嘅糖畫、織草蜢及麵粉公仔等手藝。
一起森巴舞!細細個我就過草蜢啦,但講到織草蜢,你又試過未呢?
一起森巴舞!細細個我就唱草蜢啦,但講到織草蜢,你又試過未呢?

週末玩轉老大街
日期:5月16日至6月21日(逢週末及公眾假期舉行)
地點︰香港海洋公園老大街
詳情

 

http://www.youtube.com/embed?listType=playlist&list=UUjDc1es2tk6mF4QQpGz_vDg
內容延讀:

搵返童年回憶 6月必去荔園pop up

咪俾人知你食過﹗10大懷舊零食

 

 

YOU MAY ALSO LIKE ...

There is 1 comment

Add yours
  1. 新Monday / 7、80後先識 10大懷舊童年玩意 - 新Monday

    […] >繼續懷緬回去~6間食咗後童年回憶出晒嚟嘅餐廳 […]


Comments are closed.