《黑衣凶靈2:死亡天使》又玩呢啲?

《黑衣凶靈2:死亡天使》又玩呢啲?

上集哈利仔丹尼爾烈格夫(Daniel Radcliffe)主演嘅《黑衣凶靈》(Woman In Black),全球票房收咗1億美金(約7.8億港元),以恐怖片嚟講,絕對係賺大錢,所以電影公司再添食,將同名原著小說再改編,換上另1型男謝洛美艾雲(Jeremy Irvine,《雷霆戰駒》)做主角,拍成續集《黑衣凶靈2:死亡天使》(The Woman In Black 2:Angel Of Death),今集講專向細路落手嘅黑衣女鬼,其實都係玩嗰啲,不過膽小嘅朋友請止步喇!

text-aMan

WOMAN IN BLACK 2

二戰荒村 實景拍攝

今集其實都係based on英國女作家蘇珊曉爾(Susan Hill)嘅同名暢銷小說改編,同樣以小說中鬼影幢幢嘅鰻沼大屋為場景,講述二戰期間,年輕女教師(菲比霍絲,Phoebe Fox)帶住一班小學生到鄉郊嘅卡昏村逃避戰火,遇上謝洛美艾雲飾演嘅空軍中尉,點知避難期間,遇上一連串詭異事件,學生亦接二連三死亡……

故事就冇乜驚喜㗎啦!但驚嚇度的確比上集高好多,單係講拍攝場景,嗰種陰森荒涼感覺,已經睇到我想走!一查之下,原來戲中嘅卡昏村,係喺英國西南部其中1條喺二戰時期被廢棄嘅村莊,雖然荒廢多時,但因該村莊為英國國防部持有,所以建築物仍完整保留。嘩!咁有歷史背景,多數都好「猛」㗎喎!問到男主角謝洛美拍攝時有冇發生咩「特別事」,佢話:「村莊雖然自二戰時期後荒廢多時,感覺又勁陰森恐怖,但聽導演講,村莊喺大戰中並冇傷亡紀錄,所以大家都拍得好安心,又真係冇咩怪事!」

YOU MAY ALSO LIKE ...