$199起 編輯部推介今週必買5大潮物

熱話

廣告

買物停不了,嚴選今週5大話題潮物best buy,有樓下隔2個街口就買到,亦有網購,價錢唔算貴喎,最緊要潮得精明,即睇!

text – makim

1.UNIQLO×Michael Bastian童子褲

黑白色已經out啦,成日聽到「Olive is the new white,navy is the new black」,係時候打破沉悶,搞場顏色革命。UNIQLO今次呢條童軍褲,係紐約設計師Michael Bastian嘅聯乘版,顏色就係olive同navy,配上靚細袋,時裝同軍味合二為一,出色。

UNIQLO
銅鑼灣波斯富街99號利舞臺廣場地下 2577 5811

2.數碼菲林味LOMO LC-A Minitar-1 Art Lens

唔用菲林機,點樣用數碼相機都能夠影到菲林感覺?靠鏡頭可能係最終答案。全新LOMO LC-A Minitar-1 Art Lens採用俄羅斯原裝鏡頭,以高質素嘅鋁、黃銅製造,保留LC-A+ 4段快速區域對焦同32mm焦距,並加入原版LC-A備有嘅可調光圈同連動測距耦合功能,每張相都可影出LC-A簽名式嘅強烈色彩對比同暗角。此Lens只接受網購,每set連前後鏡頭蓋、保護套、相片集、說明書同專用鏡頭清潔布,黑、白兩色,預計7月發貨。睇相我已經好興奮,但留意鏡頭用Leica M mount,Leica以外嘅相機要加接環先可用得。

查詢:http://shop.lomography.com/minitar-1(Lomography)

內容延讀

繼續嚟!《新Mon》編輯部再推介最想翻睇10大神劇

繼續買啦!10對買到當你贏嘅NIKE白波鞋

3.Stussy×EOps限量版耳機

元祖級街牌Stussy今年成立35週年,喺2015 Spring Collection Mook春季目錄已經show off唔少潮牌聯乘系列,最近更玩到去耳機界,同紐約耳機品牌EOps合作推出別注限量版NOISEZERO O2+。耳機加入Stussy今季最新IST(International Stussy Tribe)圖案,同時配有COMPLY記憶棉耳墊,聽歌都聽得有型。而耳機亦有40mm同24mm雙震膜單元,音質扎實夠推。始終Stussy對上一次出耳機已經係5年前,咁有價值,潮人又點會錯過。

查詢:shop.stussy.jp/news/587


4.PORTER藍到底

PORTER特別為今個月嘅SOGO thankful week(5月16至25日)而特別設計咗香港限定tote bag輕便系列,以香港人愛用嘅tote bag作為基調,大致用番TANKER系列嘅設計,但用色則採用近年大熱嘅深藍色作主色,而袋內裡更罕有地由橙色轉為藍色,藍調人要有。另外,凡於5月15日至31日期間購買正價貨品滿$2,500即送超靚PORTER 叉電器一個,數量有限,送完即止。

KURA CHIKA 銅鑼灣崇光百貨三樓 2834 6675

5.Gamil Design手壓沖調咖啡杯

時至今日,有邊個唔會飲咖啡?想過陳豪嘅生活,出街買又嫌貴,但又想飲得精啲,用自己嘅咖啡粉同自己沖,重可以喺街邊行邊飲,再難滿足嘅要求,而家都有可能。

呢個睇落似保溫杯嘅咖啡壺,嚟自美國嘅Gamil Design(唔係Gmail),於Kickstarter集資研發,1星期內即成功募集到足夠資金,來頭唔少。

保溫杯分為外杯同內杯,簡單嚟講,將咖啡粉同熱水放喺外杯,然後用內杯向下壓,咖啡就會從內杯底嘅濾網滲入去,咖啡渣就隔喺杯底。做法簡單,而且咖啡粉吸飽水再經壓濾,唔使用濾紙都可以整到陳豪級嘅咖啡。

Impress Coffee Brewer

銷售:Impress Coffee Brewer Hong Kong、Go Out Yama

查詢:5405 8633

內容延讀

繼續嚟!《新Mon》編輯部再推介最想翻睇10大神劇

繼續買啦!10對買到當你贏嘅NIKE白波鞋

 

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!