《奇幻逆緣》啲friend?《時光逆愛90年》再玩穿越

《奇幻逆緣》啲friend?《時光逆愛90年》再玩穿越

由《分手再愛你》導演李杜蘭桂格(Lee Toland Krieger)執導嘅新戲《時光逆愛90年》(Age Of Adaline),電影未上我已經勁期待,「典」解嘅?

首先,繼《分手再愛你》之後已經愛上咗呢個導演;第2,新作仍然係愛情電影,質素會有保證;3,劇情新玩法,講個女主角意外得到長生不老,為怕秘密被發現,孤獨過活已經90年,直到遇上男主角……咁聽落,好似有少少似畢彼特(Brad Pitt)嘅《奇幻逆緣》(The Curious Case Of Benjamin Button),不過今次就以女性角度出發,眼淺女生,帶定紙巾入場。

text-aMan

AgeD4-013.dng

識玩一定玩穿越

由氣質女星碧琪麗芙莉(Blake Lively,《綠燈俠》)飾演嘅29歲愛德蓮,1次意外,歲月喺佢身上停頓,經歷90個寒暑都依然咁索。為怕秘密被發現,一直逃避感情關係,孤獨過活,直到遇上1個令佢唔怕改變嘅男人……導演李杜蘭桂格直言:「《時》係個穿越時空嘅故事,愛德蓮出生於1907年,邊有人諗過自己可以活到現今世代?1個神奇嘅命運安排,令佢經歷咗兩次世界大戰,60年代嘅社會劇變,到現今世代嘅進化,除咗阿女知道秘密外,其他人對佢嘅身世都一無所知,一直獨自面對,更加唔敢戀愛,因為佢承受唔到一次又一次嘅失去……其實,大家覺得長生不老係咪真係好事?」

YOU MAY ALSO LIKE ...