[唔使走鬼!]去PMQ元創坊睇Invader買蘇富比8-bit精品

[唔使走鬼!]去PMQ元創坊睇Invader買蘇富比8-bit精品

香港成日被外國人笑係「文化沙漠」,政府的確要負番部分責任,好似佢13年年頭將法國街頭藝術家Invader香港畫超過50幅街頭藝術品當垃圾咁清除。最諷刺係今年年頭蘇富比拍賣會,1件Invader作品就以250萬港元成交,換句話講,香港政府就咁「清除」市值過億藝術品!
好彩!今年「法國五月」藝術節重頭戲,就係將Invader超過50件藝術品放中環PMQ元創方,包括首次曝光LED藝術品同大型雕塑裝置,今次唔使「走鬼」喇,重俾大家慢慢睇之餘,重可以掃埋勁正嘅8-bit精品!

text – Oscar photo – Tung

 

即掃超正8-bit精品

大家展覽之餘,記得去埋Pop-up Store,雖然精品唔算多,但要數must buy item,一定推薦print tee,大大個art piece心口,唔驚被人清場。

 

以貼紙講係貴少少,但所有款式都冇重複,已值得收藏。 $200

1 (2)

 

 

功夫print tee,其實係咩print都冇咩所謂,最緊要係Invader作品就得。 $380

2 (2)

 

iPhone case,大大個「香港」個殼上面,一睇就知係香港限定啦!$280

 

 

4 (2)

 

 

 

《Wipe Out》,Invader作品集之一,詳細介紹香港擺放過展品。 $400

 

3 (2)

 

內容延讀:

中環睇完Invader,去埋尖沙咀玩3D海賊王

重可以用app check下啲8-bit外星人幾歲

https://www.youtube.com/watch?v=V6N7xcagb7Y

Invader好鍾意李小龍,展覽有2幅以李小龍為題材展品,都係以《龍爭虎鬥》造型為藍本,大家覺得同劇照(右圖)似唔似?
Invader好鍾意李小龍,展覽有2幅以李小龍為題材展品,都係以《龍爭虎鬥》造型為藍本,大家覺得同劇照(右圖)似唔似?
呢幅李小龍展品係以扭計骰製作而成,大家可以行近,確認下Invader粒粒骰都係扭出!
呢幅李小龍展品係以扭計骰製作而成,大家可以行近,確認下Invader粒粒骰都係扭出!

8-bit藝術家

法國街頭藝術家Invader形象素來神秘,行蹤亦好飄忽,就算接受法國國內外媒體訪問,都要求以馬賽克(即係大家 叫開「打格仔」)遮面。我只係知道Invader法國藝術學院畢業,亦係個遊戲機迷。佢藝名就係自1978年推出《Space Invaders》呢隻經典「打怪獸」電子遊戲,以當時8-bit技術講,已算係好好玩。Invader作為藝術家,更將呢種起晒格「馬賽克8-bit 風」衝出現實世界,以「外星人走出屏幕框框」,有種表達自由可貴意思。

「法國五月」活動大使林嘉欣都有到場欣賞Invader作品。
「法國五月」活動大使林嘉欣都有到場欣賞Invader作品。
大家欣賞展品時候,不妨重透過手電屏幕睇,大會話會更清楚見到畫中主題,不過唔使大會講,大家都會舉機影相……
大家欣賞展品時候,不妨重透過手電屏幕睇,大會話會更清楚見到畫中主題,不過唔使大會講,大家都會舉機影相……

 

內容延讀:

中環睇完Invader,去埋尖沙咀玩3D海賊王

重可以用app check下啲8-bit外星人幾歲

 

《Hong Kong Phooey》狗仔art piece,曾經香港出現過,當時就放某大廈1樓外牆(小圖),想話合照都難,不過今次展覽放地下,唔止selfie,同狗仔對打都重得!
《Hong Kong Phooey》狗仔art piece,曾經香港出現過,當時就放某大廈1樓外牆(小圖),想話合照都難,不過今次展覽放地下,唔止selfie,同狗仔對打都重得!

極愛Chinese Kung Fu

除打機,Invader另一樣嗜好係Chinese Kung Fu,佢曾訪問中話極欣賞已故武打巨星李小龍。估唔到佢亦好鍾意1974年美國動畫《Hong Kong Phooey》,呢套動畫係講1隻識功夫狗香港行俠仗義故事,佢當然都有以呢隻功夫狗為藍本整過格仔藝術品啦!香港亦有份,但當時被香港政府秒殺,但呢件art piece今年年初蘇富比以25萬港元成交,都算大諷刺。大家今次展覽,可以一次過欣賞呢高價作品外,重有Invader近年用扭計骰製作李小龍頭像。雖然同樣係四四方方,但用扭計骰製作過程難度非常高,大家可以想像,單係扭出1面「左下個角藍色,其餘8格係紅色」扭計骰,要花幾多時間;1幅作品用上過百件扭計骰,你話要用幾多心機先成事呢?

《Space Invaders》展場無處不在,呢塊牌係香港人都要到此一「影」!
《Space Invaders》展場無處不在,呢塊牌係香港人都要到此一「影」!
Invader 2001年首次來港,就同「九龍皇帝」曾灶財有一面之緣,佢對曾灶財街頭書法大為欣賞,所以展覽中都將「九龍皇帝」墨寶加上「綿羊仔」做展品。
Invader 2001年首次來港,就同「九龍皇帝」曾灶財有一面之緣,佢對曾灶財街頭書法大為欣賞,所以展覽中都將「九龍皇帝」墨寶加上「綿羊仔」做展品。

 

內容延讀:

中環睇完Invader,去埋尖沙咀玩3D海賊王

重可以用app check下啲8-bit外星人幾歲

 

首次展出LED「Space Invaders」,除保留馬賽克風,重有幻彩感覺。
首次展出LED「Space Invaders」,除保留馬賽克風,重有幻彩感覺。

主題因港政府而起

1998年Invader正式開始「世界侵略計劃」,由家鄉巴黎開始,街頭用磁磚砌出遊戲機入面外星人,至今已經「入侵」30幾個國家,包括香港在內60幾個城市。Invader好鍾意香港文化,佢由2001年起前後共4次訪港,包括去年12月,每次都放低「外星人」先走。不過香港政府認為Invader作品係非法塗污公眾地方,「展出」唔夠1星期就被清除殆盡。佢今次展覽都有表達感受。「我知道香港政府官員唔容許我作品街頭展出,佢對我作品簡直係『wipe out(徹底摧毀)』!」

今次展覽以「Wipe Out」為題,大家就知道同港府摧毀佢街頭作品有直接關係。展場有塊巨型「Invasion of Hong Kong」展板,詳細列出Invader香港留低75件作品同擺放地點,想表達「就算剷走所有作品,但剷唔走留過香港事實」,嘩!Invader應該同支持「雨傘運動」人好key。

 

「功夫仔」立體裝置,係Invader少有裝置藝術。
「功夫仔」立體裝置,係Invader少有裝置藝術。
「Invasion of Hong Kong」詳細列出各個「外星人」藏身地,話唔定重可能搵得番佢。
「Invasion of Hong Kong」詳細列出各個「外星人」藏身地,話唔定重可能搵得番佢。

 

Wipe Out – an explosition by Invader展覽
日期:即日起至5月17日
地點:中環PMQ元創坊The Qube
時間:10:00am – 8:00pm
免用:免費
查詢:www.frenchmay.com/programmes/event.aspx?name=Invader-WIPE-OUT

 

內容延讀:

中環睇完Invader,去埋尖沙咀玩3D海賊王

重可以用app check下啲8-bit外星人幾歲

 

咪走雞!「法國五月」必睇

除「Wipe Out」外,今年「法國五月」依然有大量精采藝術展覽,等緊你親身接觸不同藝術範疇。《新Monday》嚴選以下4個展覽,等你週末時可感受法蘭西浪漫美感!

 

 

e2

「Paris My Dream」
透過攝影師Michael Eisenlohr鏡頭,將巴黎新舊建築展現大家眼前。
日期:即日起至5月31日
地點:尖沙咀星光大道
時間:全日開放
費用:免費
查詢:www.frenchmay.com/programmes/event.aspx?name=CMN-Paris-my-dream

 

e4

「眾聲之外」
「法國五月」首個新媒體藝術展覽,多位法國同香港藝術家帶大家寧靜環境下細聽身邊事物聲音,以耳朵享受藝術。
日期:即日起至6月8日
地點:灣仔動漫基地
開放時間:10:00am-8:00pm
費用:免費
查詢:www.frenchmay.com/programmes/event.aspx?name=Beyond-the-Sound

 

P5

「塞夫爾皇家瓷器工坊特展」
塞夫爾皇家瓷器工坊已有300幾年歷史,係瓷器製作技術堪稱世界最好工房之一,今次展覽展出超過120件瓷器,件件珍貴。

日期:6月10日至8月16日
地點:香港大學美術博物館
時間:9:30am-6:00pm(星期一至六)、1:00pm-6:00pm(星期日)、公眾假期休館
費用:免費
查詢:www.frenchmay.com/programmes/event.aspx?name=Sevres

 

e5

「本相」
法國藝術家Antoine Rameau以剪貼中古報紙創作出一幅幅充滿美感藝術品。
日期:5月12日至18日
地點:中環鴨巴甸街20號Karin Weber Gallery
時間:11:00am-7:00pm

YOU MAY ALSO LIKE ...