最緊要威 拆解樂壇新貴 盛君百萬MV之謎
由早拍到晚冇時停
新歌〈誰懂我〉搵嚟舒文製作，微電影劇本由女作家深雪操刀，一係唔做，一做就做盡佢，於是MV製作團隊（記者、助手、經理人、化妝師等等）加埋共30人，喺上月出發去到有海上桂林之稱嘅越南下龍灣拍攝，入住當地最高級嘅Royal Halong Hotel。
由於時間緊迫，所以喺到步後，導演以及盛君隨即會合較早到下龍灣取景嘅團隊人員開會。去得下龍灣，最理想當然係陽光與海灘，可惜團隊到步後，先發現喺酒店對開嘅沙灘重建當中，當下腦海只彈出「天氣不似預期」嘅諗法……可幸嘅係下龍灣靚景多的是，搭船出海已經別有洞天，所以一啲都冇影響拍攝。
內容延讀
【可愛到死】10大韓國男神/女神 小時候CUTE樣全面睇
率先拆解《寄生獸完結編》6大一定要留心位
合味道妹「天使般的美少女」橋本環奈 （16P）起底圖鑑
男主角重尷尬
第2日一早，盛君繼續喺酒店附近拍攝，講到前1晚嘅咀戲，佢話：「其實喺拍《詭嬰》時同林峯唔止kiss，連床戲都有，叫做有啲經驗，但男主角Cavan（陳子華）第1次拍戲，所以就算係輕輕掂下，佢都有啲尷尬同緊張，於是導演提議我真係錫佢，效果會自然啲，哈哈！
「MV講我係個識魔法嘅女仔，同男主角相愛之後就消失咗，50年嚟一直都好掛住佢，直到有日見到有個男仔好似男主角，而且呢個男仔重可以見到我嘅魔法，所以想錫佢嚟肯定佢係咪50年前嘅男朋友。」
其實我係歌手
至於點解拍拍下戲走去唱歌？盛君就話其實自己一直都有學唱歌。「其實我一直都好鍾意唱歌，之前係打算做歌手，但最終去咗演戲，今次咁啱有個好好嘅機會同夢想沙龍合作，實現我嘅夢想。
「細個上音樂堂時，老師好鍾意我，佢會專登揀我出嚟同佢一齊唱，再用課餘時間去訓練我，所以讀大學之前，都一路有學唱歌，但可能老師覺得我演戲方面多啲天分，所以佢推薦我去考電影學院。」對於萬千寵愛在一身，盛君認為都要多得大家嘅努力，就好似今次〈誰懂我〉MV，自己要先將角色發揮好，再加上出色嘅拍攝同後製，任何元素缺一不可。
黃百鳴唔想簽新人
整個MV拍攝長達4日，而分量級嘉賓黃百鳴喺第2日終於登場，身為老闆，坐機坐車加埋成6個多小時，對白都冇句，但都嚟支持盛君。
「今次當係同太太嚟度假，順便支持下盛君。其實識佢嗰陣，佢係揸住支結他唱歌，佢歌喉都OK㗎！同埋佢都幾多元化，唱歌做戲、識太極又識跆拳道，喺呢個圈係可以好有機會，所以嚟緊新戲《S風暴》有好多動作場面都係佢負責。」
不過，閱人無數嘅黃百鳴都話，近年甚少簽新人。「紅咗嗰啲未必多謝你，唔紅又會埋怨你，所以無謂做呢啲嘢！」訪問中，黃百鳴提到當年張國榮同周潤發簽約新藝城之後，即由票房毒藥變靈藥，而同張國榮更一直合作無間十幾年。
喺電影圈多年，黃老闆都認為香港影圈斷層幾嚴重，不過又唔需要灰心。「如果真係鍾意演藝工作，只要唔放棄，機會始終有，就好似Chilam（張智霖），佢靚仔、高大、唱得演得，佢都係等機會，呢個係我比較睇好，所以《S風暴》用佢拍古天樂，男人始終襟睇啲，40歲開始都唔遲。」
內容延讀
賀碧咸IG開張！重溫碧咸震撼世界的10個髮型
《復仇者》黑寡婦真粉要知嘅10件大事
下龍灣有咩玩?
要去位於越南東北部嘅下龍灣，要先喺香港坐飛機到河內（2小時），之後再坐車（4小時），導演解釋因為路窄，所以車速唔可以太快，6小時煎熬後，眼前嘅世外桃源會令你忘卻煩憂。被列為世界遺產之一嘅下龍灣有多達1,969座島嶼，出海玩嘅話，由白齋碼頭出發，船程約為4-6個小時，票價約35元港幣。不過，點玩都好，所有香港居民無論你手持英國嘅BNO或者係香港特區護照，前往越南均需簽證。另外，喺越南雖然唔少地方都可以使用美金，不過，筆者都係會建議大家兌換定少許越南盾好啲。
