咖啡初哥都扮到達人 Nespresso自動打奶泡機

咖啡初哥都扮到達人 Nespresso自動打奶泡機

唔到你唔信,人大咗,嗜好都可以有好大轉變。尤其咖啡文化,的確需要時間慢慢烘焙。出街飲得多,都想買部咖啡機放喺屋企扮下嘢。係呀!做人從來都係為咗要型,正如鍾意聽歌唔等於識音樂,鍾意飲咖啡亦唔等於識飲,喺深奧、複雜嘅咖啡學問之前,最能引起大家興趣嘅,必定係造型精緻嘅咖啡機。
最近Nespresso推出全新咖啡機Lattissima Touch,型格設計加上新型智能操作,好似我咁只想扮嘢嘅咖啡初哥,都可以用半分鐘沖到1杯有專業水準嘅咖啡。

text-Nam photo-Tung

售價:$3,688
查詢:800 968 821(Nespresso)


全智能沖咖啡
咖啡機有平有貴,最大分別主要睇功能,專業咖啡機可以將打奶泡、拉花等過程合而為一,入門嘅就要分開先做到。Lattissima Touch算係品牌嘅中階款式,需要人手操作嘅步驟只有加水同加奶,隨後就可透過機上嘅輕觸式控制板,選擇6個唔同功能,包括沖Ristretto、濃縮咖啡、長杯咖啡、Latte Macchiato、Cappuccino同噴出奶泡,憑改良過嘅智能系統,牛奶喺你未決定功能嘅時間就已經率先預熱,所以沖製時間會進一步縮短,實試最快20幾秒就可以沖出1杯咖啡,快過茶記。

要知道咖啡機屬於入門定專業款,最緊要係睇可唔可以做到拉花或奶泡等效果,Lattissima Touch玩拉花就唔得,但就有內置奶泡功能。
要知道咖啡機屬於入門定專業款,最緊要係睇可唔可以做到拉花或奶泡等效果,Lattissima Touch玩拉花就唔得,但就有內置奶泡功能。
噴出嘅奶泡份量多少,都可以輕易設定,視乎番你飲邊種咖啡,飲Cappuccino就要落多啲。
噴出嘅奶泡份量多少,都可以輕易設定,視乎番你飲邊種咖啡,飲Cappuccino就要落多啲。
唔好以為咖啡機沖嘅咖啡味道就千篇一律,就算你完全唔識咖啡,都可以靠個智能系統同輕觸式控制板,沖到好飲之餘,又就到你口味嘅咖啡。
唔好以為咖啡機沖嘅咖啡味道就千篇一律,就算你完全唔識咖啡,都可以靠個智能系統同輕觸式控制板,沖到好飲之餘,又就到你口味嘅咖啡。

23種咖啡口味
Nespresso嘅咖啡機,唔能夠自己買咖啡豆或粉去沖咖啡,而要用埋佢哋出品嘅咖啡粉囊配合,幸好呢方面Nespresso配套非常充足,暫時已共有23種唔同強度、口感、香濃度等嘅粉囊可以選擇。另外,每個粉囊都係用鋁質材料密封,可保存12個月,亦用咗100%可無限次循環再造嘅物料製作,做到盡量環保。

咖啡粉囊一條條放滿,睇落勁型,亦可於網上訂購,1次訂50粒就可送貨,平均每粒賣$5.5,唔算太貴。用完嘅粉囊會有專人回收再用,你亦可親自攞去專門店放入回收箱。為環保出份力,成件事又型咗。
咖啡粉囊一條條放滿,睇落勁型,亦可於網上訂購,1次訂50粒就可送貨,平均每粒賣$5.5,唔算太貴。用完嘅粉囊會有專人回收再用,你亦可親自攞去專門店放入回收箱。為環保出份力,成件事又型咗。
揀啱味,放入咖啡機個粉囊位就會自己運作,用完嘅粉囊會跌入機身嘅收集箱,方便你攞去回收。
揀啱味,放入咖啡機個粉囊位就會自己運作,用完嘅粉囊會跌入機身嘅收集箱,方便你攞去回收。
唔同粉囊、奶泡、容量配合下,部機其實都整到幾多咖啡,大、中、細杯都得。
唔同粉囊、奶泡、容量配合下,部機其實都整到幾多咖啡,大、中、細杯都得。

免費試飲上埋堂
平時唔會特登介紹鋪頭,不過位於中環IFC嘅Nespresso專門店又真係值得一提,皆因呢度除咗有嘢賣之外,竟然重有免費咖啡飲。只要行去同店員講聲,想飲乜口味、幾大杯等,佢哋唔止會即刻用咖啡機沖俾你,更會教埋你點飲(甚至沖)咖啡先為之識嘢,呢個服務態度,like爆。

店面企理乾淨,行得舒服係其次,最緊要有招呼。
店面企理乾淨,行得舒服係其次,最緊要有招呼。

Nespresso
中環ifc mall 1058A號鋪 800 968 821


內容延讀

母親節冧媽必食 4大注目潮型中菜

青衣戲棚夜市 必食3大長龍人氣王

元朗驚喜發現 豬扒牛扒鐵板雪糕

YOU MAY ALSO LIKE ...

There are 2 comments

Add yours
  1. 新Monday / From $199 《新Mon》推介今週5大潮物best buy - 新Monday

    […] 咖啡初哥都扮到達人 NESPRESSO自動打奶泡機 […]

  2. 新Monday / 咖啡控必試!Little Break×Matter Matters期間限定cafe

    […] 週末做甚麼好?文青系去市集、喝咖啡是必需的!鄰近荔枝角站的D2 Place,工廈市集非常成功,即使位於九龍荔枝角,每個週末也凝聚到一班潮人聚集。轉角會遇到特色小店Little Break Coffee and Kitchen,招牌All Day Breakfast及Ham So Excited熱香餅漢堡,色香味俱全。今次Little Break更首次與幾何玩味手袋牌Matter Matters合作,打造為期2個月的pop-up cafe,除了店內外也換上品牌簽名式的幾何及大膽配色的裝飾及陳設,令cafe充滿色彩外,更有專為這次而設的special menu,Mocha窩夫、凍西班牙咖啡、幾何甜點set,咖啡控必定要試試看! […]


Comments are closed.