無佢點過夏天？必入3大熱選涼鞋新品
廣告
你幾咁喜愛對AJ同對White’s boots都好，夏天又熱又焗，就算係布鞋都散唔切熱啦，尤其除鞋嗰下，一股熱氣攻上嚟，你會發現其實俾對腳唞唞氣真係好重要！
或者喺你阿爸年代，涼鞋係屬於「重口味」鞋款，但近年經過outdoor fashion嘅洗禮，潮人又重新接受起來，並且由鮮豔配色至到傳統機能款都有人追。今期就由我哋從經典、潮流到機能3種截然不同嘅涼鞋款式入手介紹，總有1對啱你style。
text – Jer photo – Rover
TEVA潮流之選
要數最潮涼鞋品牌，一定非TEVA莫屬，雖然品牌已經有一段歷史，但近年就異常積極地聯同多個潮流品牌合作，而令其人氣爆燈。用色極為豐富嘅花款，令眾多年輕人更容易接受，因此涼鞋熱潮回歸，TEVA真係居功至偉。
KEEN UNEEK 實戰最強
涼鞋出品中極之着重雙腳保護嘅KEEN，外形獨特，機能極優嘅設計，令佢於日系戶外雜誌中擁有極高曝光率，今年品牌研發出全新型號UNEEK（取unique同音），鞋款只全憑1個鞋墊及兩條橡筋帶打造，將涼鞋應有嘅舒適感推向另一層次。
Go out上腳實測
今次KEEN更請咗我去佢哋個UNEEK發布活動，上山下海玩遊戲玩SUP（Stand Up Paddle）等，令我有機會可以親身測試對鞋嘅威力，唔係講笑，用料舒服不在話下，而且其繩料尼龍質地，濕完曬一曬已乾，真正睇得實戰得。後頁就有埋products介紹。
Birkenstock 潮拖鼻祖
喺戶外涼鞋未普及之前，大家對潮拖嘅接受程度或者只停於設計較classic嘅Birkenstock，不過的確，佢雖然已經有幾百年歷史，但亦不斷與時並進，連TEVA都未識玩聯乘時，佢已經同過唔少當時得令潮牌合作，今季更從定番型號發展出全新款式。
Birkenstock 尖沙咀K11購物藝術館2樓223號鋪 2416 8983
內容延讀：
TEVA×WOOLRICH 潮化山系拖
URBAN OUTDOOR GEAR－QUIKSILVER AG47 + POLER STUFF
