元朗驚喜發現 豬扒牛扒鐵板雪糕

元朗驚喜發現 豬扒牛扒鐵板雪糕

元朗最新甜品店,開業十多日,食物相已經喺《instagarm》瘋傳。點解?因為店中兩大王牌——炸豬扒同牛扒雪糕,齋睇樣真係會以為食緊豬扒同牛扒。我哋一於親身去試,可惜牛扒已完賣,而炸豬扒上檯時,以為嚟咗個日式吉列豬扒定食,有晒配菜同醬料,有埋碗飯就perfect。炸豬扒食落外皮熱脆,「肉質」凍凍地,冰火感覺,相當唔錯。好遺憾當日雪糕牛扒賣哂,原來每日限售20多份,每晚8點前都會賣晒,唯有搵日早啲去。

店主話靈感來自多年前去旅行食過嘅雪糕店,但喺香港咁耐都重未有人整,就膽粗粗同埋朋友一齊試,當然經過多番研究先整到像真度咁高嘅成品。睇埋擺盤,就知佢哋俾咗好多心機,抵讚。

除咗兩大招牌,放咗乾冰喺杯底嘅雪糕杯亦值得推介,自創嘅菠蘿包味、馬騮搣味都好獨特,前者除咗喺雪糕加咗菠蘿果肉,重有菠蘿包上面嘅脆皮,食落真係有菠蘿包嘅神髓,只係甜度稍稍高咗啲;後者馬騮搣真係做到茶味,係個清香版嘅奶茶味。

text-William photo-William

呢塊牛扒其實係朱古力包住士多啤梨雪糕,切開有層次,而西多士扮薯餅,薯條係燒過嘅香蕉,有埋塊懷舊牛形鐵板做碟,真係好吸引。
呢塊牛扒其實係朱古力包住士多啤梨雪糕,切開有層次,而西多士扮薯餅,薯條係燒過嘅香蕉,有埋塊懷舊牛形鐵板做碟,真係好吸引。
炸豬扒雪糕 $58 豬扒定食上檯,食法有兩個重點,第1,先淋士多啤梨醬喺豬扒上;第2,記得趁熱食。
炸豬扒雪糕 $58
豬扒定食上檯,食法有兩個重點,第1,先淋士多啤梨醬喺豬扒上;第2,記得趁熱食。

YOU MAY ALSO LIKE ...