吉卜力時代店  嚴選必買精品

吉卜力時代店 嚴選必買精品

日本動畫大師宮崎駿同高畑勳創立咗世界聞名嘅「吉卜力工作室」炮製無數經典動畫,之後又開設官方精品專門店「橡子共和國」,賣動畫角色精品。

喺13年6月,尖沙咀海港城開設首間日本以外嘅「橡子共和國」分店,兩年後嘅今日再喺銅鑼灣時代廣場開設海外第2間分店。為隆重其事,吉卜力商品企劃部部長今井知己同經營「橡子共和國」嘅BENELIC CO., Limited董事長安藤一郎亦齊齊嚟到時代廣場店巡視。我哋搵咗佢哋做專訪外,重會幫大家嚴選店內嘅必買精品,因為全店有成700幾款,要揀真係有排揀呀!

text-Jessie photo-Hin

https://www.youtube.com/watch?v=6dY1leRDWJc

門口擺有隻手舉住把遮、乘坐陀螺嘅巨大龍貓,高過2米。佢造型獨特,係全世界首度登場。忠粉必定要去影。
門口擺咗隻手舉雨傘、企喺大陀螺嘅2米高巨型龍貓。佢呢款電影內嘅經典造型,係全世界首度以巨大公仔登場。忠粉必定要去影。
龍貓腳下踩住嘅陀螺。
巨大龍貓腳下踩住嘅陀螺。
店內有部通往銅鑼灣嘅貓巴士,大家可以行去入面伸番個頭出嚟同貓巴士合照,好正㗎!
店內有部通往銅鑼灣嘅貓巴士,大家可以行去入面伸番個頭出嚟同貓巴士合照,好正㗎!

 

安藤一郎

港店銷情贏日本

「橡子共和國」喺日本本土已經有40幾間分店。負責經營嘅公司BENELIC CO., Limited董事長安藤一郎話,佢早就計劃喺香港開3間分店﹕「2年前喺香港開第1間時,已計劃要喺香港開3間分店,但當時實在唔太了解香港經營情況,穩陣啲就逐步嚟囉。我真係估唔到尖沙咀店銷情咁好,重贏咗唔少日本店!同全日本專門店比,尖沙咀分店生意額竟然排到第2位!咁我哋當然好有信心喺香港開第2間分店啦。」

安藤重話,佢哋店內產品一向主打龍貓,所以時代廣場店開鋪時,一定要有巨型龍貓同貓巴士公仔企喺門口招呼客人。「上年尖沙咀店曾經試過轉過擺《魔女宅急便》巨型裝置,遲啲銅鑼灣店都可能會咁做,重喺計劃中。」

因為成間店係以森林為設計元素,所以喺店面除咗有巨大龍貓,另一邊亦有大樹幹,樹幹上依附咗好受歡迎嘅小配角煤炭屎鬼,唔好睇漏眼呀!
因為成間店係以森林為設計主題,所以喺店面除咗有巨大龍貓,另一邊亦有大樹幹,樹幹上依附住好多受歡迎嘅小配角煤炭屎鬼,唔好睇漏眼呀!

 

內容延讀:

香港首個 美少女戰士20週年時裝企劃

《狐忍》再連載! 劇情大解構

密實姑娘 綾瀨遙

下調售價益粉絲

安藤先生話好希望可以提供到同日本一樣質素嘅產品俾粉絲。「其實喺香港開店前,已知香港亦有好多吉卜力狂熱粉絲,所以好想做好香港分店報答佢哋。尤其喺價格方面,我哋都一直做到盡量同日本一樣,唔想令大家覺得喺香港買我哋嘅精品會貴啲。最近日圓跌咗,貨品嘅售價都會跟住下調。」安藤先生重預告7月中,會喺香港推出限定嘅新系列產品,包括衫、飾物、雜貨,忠粉們要留意住喇!

 

4月28日至5月2日,顧客只要有影低銅鑼灣店開幕前店外圍板廣告,或者開幕後店面嘅相,又或者電車車身上面嘅銅鑼灣店廣告,再喺「橡子共和國」官方facebook page讚好,用手電向店員展示,即可獲贈限定粟米形禮品,內含1套5款扣針同1條毛巾,每日限首20名顧客。至於遲咗去嘅,都重有機會得到隨機派發嘅扣針1個,每日限定100名,送完即止。
4月28日至5月2日,顧客只要影低銅鑼灣店嘅店鋪相或電車車身上所賣嘅廣告,再喺「橡子共和國」官方facebook page讚好,去到時代廣場店用手電向店員展示,即可獲1套5色扣章同1條毛巾,每日限量派20名額。至於遲咗去嘅,都重有機會得到扣針1個,每日限定100名,送完即止。
喺店內消費滿$300以上,將會得到「橡子共和國時代廣場店」嘅限定貓巴士手指玩偶1隻。送完即止。
喺店內消費滿$300以上,將會得到「橡子共和國時代廣場店」嘅限定貓巴士手指玩偶1隻。送完即止。
Tram Mockup2
即日至5月14日,卬有龍貓同貓巴士圖樣廣告嘅電車會喺沿線行駛,咁啱遇到就記得影低佢留念喇!

今井知己

 

最受歡迎幸運石

時代廣場店入面有成700幾款精品,其實喺眾多精品入面,邊款最受歡迎呢?吉卜力商品企劃部部長今井知己就話,喺而家買得到嘅商品中,隨機抽嘅小龍貓幸運石頭係佢哋銷售嘅no.1,一共有8款。「喺日本同香港,幸運石頭都係銷售第1嘅產品。我哋基本上唔會定立每年有咩主題嘅產品要推出,都係睇下supplier諗到咩新products出嚟,我哋就盡量將品質搞好再生產。對比起不斷諗新產品,吉卜力更着重貨品嘅設計同質量。就好似店內有啲龍貓杯碟款式已經推出咗23年,毛公仔亦有由1989年推出到而家重賣緊嘅款式。未來設計新商品都會考慮加入香港特色元素,但暫時未諗到。」

今井先生所講嘅最受歡迎商品小龍貓幸運石喺時代店內一樣有售,8款石頭代表咗唔同嘅祝福,而且包裝都好精美。$40
今井先生所講嘅最受歡迎商品--小龍貓幸運石喺時代廣場店一樣有售,8款石頭代表咗唔同嘅祝福。各$40
呢款係希望之石,得意得嚟又好靚。
呢款係希望之石,得意得嚟又好靚。

 

內容延讀:

香港首個 美少女戰士20週年時裝企劃

《狐忍》再連載! 劇情大解構

密實姑娘 綾瀨遙

正所謂花多眼亂,時代廣場店成700幾款精品,要認真睇認真揀起碼花大半日,我哋就嚴選10款必買嘅新出精品推薦俾大家,慳番腳骨力。

香港限定龍貓攜帶式梳連鏡,打開鏡盒,將黑色膠背面向內推,梳就會彈出嚟,非常方便,而且只有香港有,必入!$60
香港限定龍貓攜帶式梳連鏡,打開鏡盒,將黑色膠背面向內推,梳就會彈出嚟,非常方便,而且只有香港有,必入!$60

專為嚟緊母親節推出嘅花盆系列,呢個係龍貓運送花盆,個樣好得意,計我話唔擺花,放喺檯頭當筆筒或擺其他小物都得。$290(唔連花)
專為嚟緊母親節推出嘅花盆系列,呢個係龍貓運送花盆,個樣好得意,計我話唔擺花放喺檯頭,當筆筒或擺其他小物都得。$290(唔連花)
有《龍貓》同《魔女宅急便》兩款嘅毛巾花,母親節送俾媽媽或者送俾女朋友,佢哋都肯定冧晒。各$75
有《龍貓》同《魔女宅急便》2款毛巾花,母親節送俾媽咪或俾女朋友都肯定冧晒。各$75
粟米造型包裝手巾仔、扣針連盒套裝,活動送嘅粟米形禮品同呢款商品包裝一樣,但內裏嘅精品就唔同喇!包裝特別,搶唔到開幕活動禮品嘅朋友,可以考慮下佢。$200
粟米造型包裝內有手巾仔、扣針連盒,係日本人先咁有心思。$200
龍貓頭飾,可以用嚟紮頭髮,戴喺手度當手帶亦得,可以日日戴住龍貓出街。$60
龍貓頭飾,可以用嚟紮頭髮,戴喺手度當手帶亦得,可以日日戴住龍貓出街。$60

 

內容延讀:

香港首個 美少女戰士20週年時裝企劃

《狐忍》再連載! 劇情大解構

密實姑娘 綾瀨遙

印有《千與千尋》中備受關注嘅配角無臉男嘅毛巾,上面重有煤炭屎鬼,少有,而且成個感覺好有日本風味。$120
呢條毛巾印有《千與千尋》紅過主角嘅「甘草」﹕無臉男同煤炭屎鬼,成個感覺好有日本風味。$120
有帶小袋仔,印有可愛嘅白色小龍貓,黃色夠晒搶眼,買俾小朋友用就最啱。$180
有帶小袋仔,印有可愛嘅白色小龍貓,黃色夠晒搶眼,買俾小朋友用就最啱。$180
retouch_33
「五月晴天」系列印花毛巾,聽個名就知係為呢個時節而設,好有春天氣息,顏色配搭令人感覺好舒服。$120
手鏈備有《天空之城》(左)、《魔女宅急便》(中)同埋《夢幻街少女》款式,珠珠搭配銀飾簡單易襯。各$140
手鏈備有《天空之城》(左)、《魔女宅急便》(中)同埋《夢幻街少女》款式,珠珠搭配銀飾簡單易襯。各$140
龍貓地墊,約埋三五知己去郊遊野餐時用就最啱,有銀色塗層,有效防水同保溫。$50
龍貓地墊,約埋三五知己去郊遊野餐時用就最啱,有銀色塗層,有效防水同保溫。$50
香港率先發售嘅龍貓保溫壺,壺蓋備有提把,方便手提,而且壺身有防滑設計,唔怕金屬面容易跣手跌爛佢。售價待定
香港率先發售嘅龍貓保溫壺,壺蓋備有提把,方便手提,而且壺身有防滑設計,唔怕金屬面容易跣手跌爛佢。售價待定

 

橡子共和國時代廣場店

地址:銅鑼灣時代廣場9樓925C鋪

時間:10:00am-10:00pm

查詢:www.facebook.com/dongurirepublic.hk

 

內容延讀:

香港首個 美少女戰士20週年時裝企劃

《狐忍》再連載! 劇情大解構

密實姑娘 綾瀨遙

YOU MAY ALSO LIKE ...