鮑康兒 在等一個機會

鮑康兒 在等一個機會

有冇少少熟口熟面?但又講唔出叫咩名?如果有追開HKTV嘅劇集,一定見過呢位美少女,無論喺《選戰》、《警界線》、《來生不做香港人》、《導火新聞線》等等,佢都有參演一角,雖然戲份唔多,但只要肯俾出心機,難保有日唔會成為女主角?
鮑康兒表示,只要有機會,就算係學生作品,佢都唔介意嘗試。「我相信喺任何時候每個角落,總有人會留意著你。」

text – Joel  photo & video – Pakco  make up  – Makeup Artist Hoic.  wardrobe – bread n butter  location – SHOWcase by bread n butter

唔怕輸心態
「我叫鮑康兒,英文名叫Cherry,本身我係喺1間model公司度做model,然後有日公司問我:『王維基先生開咗個藝員訓練班,你會唔會有興趣過去讀呀?』其實當時自己對演戲係毫無認識,只係抱住唔怕輸嘅心態去嘗試,幸好最後我入到second in,然後就開始為期3個月嘅訓練。」
喺成為HKTV演員之前,鮑康兒曾經選過亞姐,原來呢個「曾經」,已經係7年前嘅事。「點解我會參加亞姐?衰到咁諗,因為輸咗都唔會有人知,有人問我會唔會後悔自己選過亞姐?但我又冇咁嘅諗法,雖然呢段經歷並未有幫我嘅演技進步,但總算冇發生過唔開心嘅事,而且叫做擴闊咗自己圈子,個人大膽咗。」
社會大學嘅磨練果然厲害,就算你之前點樣怕醜,經過社會嘅洗禮,你都會改變。「我以前份人係唔會主動去做一件事,就算選亞姐都係阿媽提議我去,但呢兩年喺港視嘅體驗,同人嘅交流多咗,令我變得正能量咗。」鮑康兒表示。

_A8A6775
眼前嘅鮑康兒,的確是個甜姐兒,微暖嘅陽光,南法風情嘅建築,呢種氣氛,又怎能夠唔令你著迷?

單身女神
被喻為HKTV御用演員嘅鮑康兒,最近喺《大眾情性》飾演女神芊芊一角,網民都對其感到好奇,更被高登巴打爭相捧為女神。
「劇中我飾演陳柏宇嘅女神,佢好斯文,甚至有啲不食人間煙火嘅feel,開頭自己都幾抗拒呢個角色,雖然我都係斯文,但都爽嘅,就唔會好似戲中嘅角色咁嬌情。」鮑康兒笑言,原來角色性格更加嬌情,而家大家睇到嘅芊芊,已經係「改良版」。
劇中鮑康兒飾演女神一角,現實中又係唔係呢?「我以前讀女校,所以冇話被男仔迷戀喎,加上嗰時又肥肥哋,而且每個男仔鍾意嘅類型都唔同,所以我唔識答,哈哈!(咁而家有冇拍拖?擇偶條件又係點?)冇呀,嗯……其實都係講個feel,有冇外形、共同興趣都唔重要,興趣係可以慢慢培養,但啱唔啱feel就緊要,同埋一定要細心,對自己好。」

 

story-04-e
不少網友慶幸鮑康兒喺《大眾情性》中,冇任何大膽性感戲份,否則肯定酸死佢哋。
鮑康兒經常飾演主角嘅「少女版」,圖為《《我阿媽係黑玫瑰》「年輕版」惠英紅。
鮑康兒經常飾演主角嘅「少女版」,圖為《《我阿媽係黑玫瑰》「年輕版」惠英紅。
緊接播放嘅《歲月樓情》中,鮑康兒表示今次終於有份擔正,異常雀躍。「這角色讓我有很大的發揮,飾演姜皓文女兒,一個很反叛的模,還有一條感情綫。對一個新人來說,不算是小角色,我終於可以活生生地演一個角色,不再是演別人的後生版了。」
緊接播放嘅《歲月樓情》中,鮑康兒表示今次終於有份擔正,異常雀躍。「這角色令我有很大發揮機會,飾演姜皓文女兒,一個很反叛嘅model,重有1條感情綫。對新人嚟講,唔算係小角色,我終於可以活生生地演1個角色,不再係演別人嘅後生版了。」

 

伸延閱讀

楊淇 NICE TO MEET YOU

密實姑娘 綾瀨遙

 

 

YOU MAY ALSO LIKE ...