陳冠希舊愛Cammi曬白滑屁股蛋 落手太重驚變阿凡達

陳冠希舊愛Cammi曬白滑屁股蛋 落手太重驚變阿凡達

陳冠希舊愛Cammi 謝熙婷（前名謝芷蕙）之前因為涉嫌推廣網上賭場而遭到警方拘捕，不過一直都未有回應整件事。近日她與好友一同去泰國旅行散心，由於當地仲係夏日的關係，Cammi都不忘玩水大曬身材。

P到變九頭身

片段Cammi穿上清涼比堅尼，下身更穿上T-Back款的泳褲，大曬超誘人的蜜桃臀。不過一向都熱愛P圖的Cammi，今次同樣係落重手，將自己P成一名又高又瘦的「九頭身」美女，將自己P到有咁瘦得咁瘦，對腳有咁長得咁長。

驚變阿凡達

今次Cammi落重手P圖，不過同樣貌似太重手而導致失手，因為將自己P到太高以及身材比例太完美的關係，乍看之下似足阿凡達中長手長腳的納美族人 ，只係差在未將皮膚油成藍色同埋畫返啲花紋上去。

落手太重 變埋「蛇精」

而對於樣貌一直都有自信的Cammi，繼續沿用一路以來的P圖風格，將樣子P成「蛇精化」。唔少網民都認為Cammi的P圖技術有待進步，事關每次都好似P太重手而出事，亦有網民認為Cammi的P圖令其樣子變得「好假」。