韓國婚禮流行趨勢（下集）by Pink
蔡代表話過往婚紗普遍流行華麗嘅款式，例如好多珠片、水晶等浮華嘅設計，而現今會流行一啲比較簡約自然嘅款式。另外韓國新娘子比較有個性，對自己所穿着嘅婚紗要求亦相當嚴謹，所以佢哋會着重線條同埋符合番自己身形嘅婚紗。
韓國婚紗另一特色係簡約得嚟有啲重點位，例如可能成件婚紗好plain，但會有個蝴蝶結放喺腰間，令成件婚紗簡單得嚟帶點不平凡。而1件平平無奇嘅白色婚紗，可以有超過十幾款配件，例如披肩、斜肩帶、喱士襟花、腰帶、背心等等，令其他人以為新娘係換咗好多套婚紗，真係慳水又慳力。你知啦，不停換婚紗實在係件非常麻煩嘅事，咁樣真係慳番唔少時間同金錢㗎！
另外問到嚟緊韓國流行咩形式嘅婚禮，蔡代表話而家年輕嘅一代唔會太着重繁文縟節，佢哋比較率性隨意，亦都因為近代年輕一輩多咗喺外地留學回流返去，所以婚禮形式偏向西化。佢哋鍾意喺屋企或者一啲art gallery度搞party，只係邀請雙方家長同朋友慶祝，唔會好似以前咁鋪張。而當地嘅art gallery平日就係用作俾遊客或者小朋友做手工藝嘅地方。我覺得呢個概念幾有意義，畢竟喺香港好少有呢類咁多元化又富藝術性質嘅地方，只有滿街林立嘅金鋪同藥行而已。
相片資料來源：@Rosa Sposa@Yourbig day @MiAmor @Bride And You Hong Kong @party view @Zien Art Gallery
Special thanks :
Rosa Sposa wedding dress：Choi Myung 최명
Photograhy:：
설민@Takemind
Seongjin Oh @Marystudio
Make up and hair：Kim Hae Yeoung 김해연
Pink (핑크)
韓妝達人，本來過着刻板OL生活，自小愛扮靚，更鍾意韓國潮流文化，幾年前隻身遠赴韓國學藝，在江南著名化妝學府Atelier Makeup Academy實習，曾參與過無數韓國fashion shows的化妝實戰，亦試過為韓國小姐化妝。回流香港後，創辦Pink Evolution化妝學校，教授地道韓式化妝，又代理韓國化妝及護膚品牌。Pink長期港、韓兩邊飛，極為熟悉韓國地道及最新的潮流文化，連本土韓國朋 友亦為之驚歎！
詳情可瀏覽本人facebook 專頁PinkEvolution
