AK江𤒹生疑情緒失控暴走 連爆3句奇怪句子！
廣告
男團MIRROR最近出新歌，鋪路復出後，其成員即傳出緋聞，呂爵安（Edan）撻文青女神袁澧林，仲俾網民搵到3大姊弟戀鐵證！而Anson Kong江𤒹生近日都開始復出為新劇《打天下2》宣傳及進行拍攝，亦有傳撻前DJ麻利後，又爆出疑情緒失控事件！
AK新紋身圖被公開 生粉猜測與mo有關
AK近日再為手臂添上新紋身，而紋身師於社交平台上亦公開其紋身的照片，唔少生粉睇到後即不斷研究其新紋身圖案的意思，猜測與阿mo有關，性格直率的AK即於其粉絲群組澄清「多謝大家關心，其實想講就會講」其後再有粉絲於群組上傳一張偷拍ak背影的照片，指自己偶遇AK，AK亦立即否認唔係本人。
AK暴走 連爆3句奇怪句子
突然間，AK忽然暴走，於群組連爆3句奇怪句子「係你哋全部都炒得」、「我炒自己，咁都認得錯，我真失敗」「我炒自己離開算，你哋慢慢傾」，所謂炒唔炒，因ak與粉絲之間一直互稱為老闆及員工。AK拋下呢3句句子就離開咗粉絲群組，令一堆生粉感到莫名其妙，生粉懷疑ak因近日復工後負面評論以及與麻利傳出的緋聞而令情緒壓力過大造成如此。
圖片來源：ig＠malisheep、tg＠ak粉絲gp截圖、ig＠_kisang_、ig＠jamie_kam1
