鄭伊健11月紅館舉行演唱會 網民：唔好請大灣區哥哥！
廣告
今年54歲的鄭伊健近日經常蒲頭，準備有新戲《深宵閃避球》上映，而今日再次投下震憾彈，宣布將於11月中在紅館舉行六場「Here & Now 2022鄭伊健演唱會」，令到一眾Fans都忍唔住尖叫！
鄭伊健11月紅館舉行演唱會 網民：唔好請大灣區哥哥！
54歲鄭伊健今日（30日）突發在Facebook上宣布再踏紅館，舉行演唱會，於11月21至 24日，11月26至27日再次熱唱金曲，仲講咗句：「好想見到大家」，令到一眾Fans都十分期待。短片一出都引發討論，唔少網民都準備好撲飛入場，不過都有網民笑稱今次伊健短片的造型「P太多」，「唔講以為係加藤鷹」。
呢一首金曲一定要唱！
講到鄭伊健，大家都有期待他在演唱會上唱的經典金曲，當中包括：一生愛你一個、甘心替代你、動地驚天愛戀過、友情歲月、極速等等，首首都絕對係金曲，聽到每一首都會跟住唱出來。不過網民都指有一首歌一定要唱，就係《數碼暴龍》的主題曲「自動勝利Let’s Fight」，網民都好想嚟個「回憶殺」，整個「遇怪魔我即刻變大個！」，一定即場喊出嚟！
網民：唔要大灣區哥哥
除此之外，網民更直言：「唔駛嘉賓呀，睇你就夠」，暗示伊健唔使再請個班「大灣區哥哥」一齊熱唱「友情歲月」，唔少網民都認同該諗法，認為伊健就算請嘉賓，都唔應該再請佢地。
鄭伊健逆風台灣發展
近日元老《古惑仔》成員齊齊北上搵銀，實行「有你有我」政策，更加成為了中國人心中的「大灣區哥哥」。不過一向作風低調的鄭伊健，則選擇逆風而行，去台灣拍新劇《百萬人推理》，另外則是專注在本地創作，獲得網民同Fans的一眾大力讚好！
https://youtu.be/DXvxYw-jNKo
有咩攻略可搶到鄭伊健演唱會門票？
繼上一個香港演唱會”Along with Ekin”已經係2019年2月，當年連同加場，合共開六場，足足闊別歌迷多年，如果今年想搶到鄭伊健演唱會門票，必須…詳情請看
除了鄭伊健演唱會外，還有那些歌手會在11/12月開演唱會？
在11-12月內，除了有鄭伊健演唱會外，還有Serrini王菀之演唱會2022、陳奕迅演唱會2022等。
圖片來源：劇照，YouTube@芒果TV，YouTube@老孩子兒歌網 - 真人版 MV，Facebook@Ekin Cheng 鄭伊健
