年度最強韓劇《製作人》

流行娛樂

廣告

男神金秀賢千挑萬選先拍嘅新劇《Producer》(製作人)下月8日喺韓國電視台KBS首播,由於同劇分別有「收視女王」孔孝真,以及做咩都可以令人發笑嘅「喜劇天王」車太鉉,令劇集吸晴度大大提高。電視台日前公開海報之後,首輪預告片亦終於曝光。雖然只係短短45秒,但深信一眾金粉已經瘋狂地loop、狂地loop、狂地loop loop loop loop loop⋯⋯

text-Phoebe

片中最先現身嘅係喺劇中飾演綜藝節目《兩天一夜》嘅資深導演車太鉉,接緊到喺劇中飾演音樂節目導演、單戀車太鉉嘅孔孝真上車,兩人一見面就打打鬧鬧,之後就到劇中金秀賢飾演新入行嘅製作人,一身薯look打扮完全配合其角色,「壓軸」出場嘅則係喺飾演偶像歌手嘅IU,帶住黑超、目無表情咁上車,怕且唔會係做宇宙級歌手掛?

開車冇耐,金秀賢孖住孔孝真一齊坐,對眼明明係望窗,但隻手唔知點解搭咗喺孔孝真膊頭上,搞到車太鉉同IU啤到實一實,似係暗示4人將在劇中大玩四角戀。