《新Monday》記者嚴選!夏日4大香氛

造型打扮

廣告

隨着春夏來臨,流汗帶來的臭味困擾愈益明顯,英國女王大學研究人員開發出1種新型香水,本身無味,碰上汗水後,就會釋放出香氣,而且出汗愈多,香味愈大,更能減少汗臭!不過,對我而言,香水並非用作掩蓋臭味的工具,而是增加自信魅力,帶來愉悅感覺的buddy,以下今季最新的4款春夏香氛,又能否擄獲你的芳心?

text-Edelweiss Tsang photo-Mike W.

人見人愛!

記者點評:「2007年Marc Jacobs出第1支Daisy香水嘅時候,雖然我重讀緊書未有噴香水嘅習慣,但已經俾佢嘅靚樣吸引!之後每年出嘅限量版都一樣咁吸睛,今年嘅Sorbet Edition更加俾到驚喜我,淡粉紅、紫紅同淺紫嘅雛菊晶瑩通透,加埋淡紫色嘅香水,感覺Daisy已經大個女喇!前調果味好清甜,唔會太濃搶咗花香,味道幾討好,係1種人人都會鍾意嘅清新花果香!」

晨露花香!

記者點評:「同樣嘅白花雕塑瓶蓋同黑色蝴蝶結,Floral Drops香水樽望落同Dolce差唔多,不過樽身就換咗磨砂玻璃,透出迷濛嘅淡綠色,感覺更加高貴有格調,個design完全係我杯茶。香味亦都同佢外形一樣,花香好清幽細膩,一啲都唔俗,噴上去更加有種貼膚嘅感覺,同肌膚融為一體咁,啱晒低調型女性。」

年輕小黑裙!

記者點評:「嬌蘭小黑裙一向都係香水中嘅經典,深受一眾OL喜愛,不過我就略嫌香味成熟咗啲,唔係好啱我。今次佢換咗套繡滿花瓣嘅小黑裙,香水液變咗薄荷綠色,感覺年輕咗好多,花香清新淡雅之餘,重夾雜咗草香同清甜果香,真係好fresh,後生女用都得喎!」

童年回憶!

記者點評:「今次Nina Ricci沿用蘋果形嘅樽身設計,不過蘋果就冇好似舊年咁被咬咗一啖,反而係覆蓋住金色嘅焦糖,外形一樣咁可愛!香氣一如以往咁好清甜,好有糖果感覺,但又唔係甜到漏,令人抗拒果嗰味道,重令我諗起糖果屋呢個我細個最鍾意嘅童話故事添,推薦俾啲鍾情甜美果香嘅女仔!」

Shop list

a/ Marc Jacobs香氛專櫃 旺角朗豪坊Beauty Avenue 3903 8888
b/ Dolce & Gabbana香氛專櫃 中環置地廣場 Harvey Nichols 3151 7718
c/ Guerlain九龍塘又一城G42號鋪 2265 7064
d/ Nina Ricci香氛專櫃 尖沙咀海港城Faces 3102 1680

 

延伸閱讀

Seek「底」

「氛」容