遊戲靚聲王 Turtle Beach ELITE 800

曾經試過夜晚玩《GTA5》,因為遊戲有太多粗口,搞到被家人投訴,要將音量收細先勉強可以繼續玩,但細細聲偷雞咁玩實在唔爽,夜媽媽打機又唔想嘈到人,惟有用耳機幫拖。
有超過35年歷史嘅美國遊戲音響品牌Turtle Beach,最新推出多款耳機,其中旗艦級Turtle Beach ELITE 800有最強規格,包括專利DTS Headphone:X 7.1環迴立體聲、無線降噪、18種智慧音效增強模式等等。實試音色靚得驚人,最詭異係可以同時用藍牙連接手電,變成免提使用,係市場上唯一有此功能嘅耳機,好處係打機嗰陣,點都會知道有電話打俾你,而唔使除低耳機先可以接聽同對話。唯一缺點係只對應PS3同PS4,但咁多嘢加埋都只係收你良心價$2,800,重想點?

text-Nam photo-Tung

售價:$2,799
查詢:電氣良品(2359 7998)

打機睇戲表現出色
絕對唔係嚇你,雖然我都嚇親,皆因ELITE 800嘅好聲程度超出想像,先以PS4隻《Call of Duty Ghosts》做測試,遊戲音效本身已經唔錯,開始冇幾耐又天火又地震,加埋途人尖叫,同伴又會不斷同你講嘢,音訊複雜,但環繞聲道就極有驚喜,聲音定位清晰,亦非常乾淨,低頻音量大而有力水,實在冇乜好挑剔。
雖說ELITE 800屬遊戲耳機類,但既然支援所有裝置,點都要用嚟睇戲同聽歌(以PS4同iPhone做測試),睇戲就依然保持到打機時嘅高質,DTS 7.1解碼堅有用,但聽歌就一般,除咗低音保持強勁之外,聲音略嫌鬆散。不過,若然你唔係追求完美音色,主力都係打機睇戲,最緊要聲音定位、包圍力要好,ELITE 800絕對交足貨。

因版權同技術問題,Turtle Beach分PC、PS同Xbox 3條產品線,ELITE 800只對應PS系列,可能因此跟PS用藍、黑兩色為主。
因版權同技術問題,Turtle Beach分PC、PS同Xbox 3條產品線,ELITE 800只對應PS系列,可能因此跟PS用藍、黑兩色為主。
耳機頂低調印上品牌logo。
耳機頂低調印上品牌logo。
《Call of Duty Ghosts》音訊複雜,同時又有需要寧靜空間感嘅太空場景,隻耳機一樣滿足到。
《Call of Duty Ghosts》音訊複雜,同時又有需要寧靜空間感嘅太空場景,隻耳機一樣滿足到。
由於可同時對應遊戲機同手電,所以左右兩邊都有操作掣,一邊負責操作遊戲音量,另一邊就有接收來電等功能。
由於可同時對應遊戲機同手電,所以左右兩邊都有操作掣,一邊負責操作遊戲音量,另一邊就有接收來電等功能。
另外兩邊耳殼都可以拆除更換,變得更型,但代理暫時未有打算推出配件,想搵就要靠上網買。
另外兩邊耳殼都可以拆除更換,變得更型,但代理暫時未有打算推出配件,想搵就要靠上網買。
耳機充滿電可用15小時,用USB連接嘅充電底座以磁力吸附,搵位擺好個座就可隨時充,唔使喺耳機另插USB咁麻煩。
耳機充滿電可用15小時,用USB連接嘅充電底座以磁力吸附,搵位擺好個座就可隨時充,唔使喺耳機另插USB咁麻煩。
唔用嚟打機,就咁連接手電當藍牙耳機用都得,一樣可做免提(耳機內置咪)。但試過聽Jason Mraz就麻麻哋,可能重beat嘅歌會啱啲。
唔用嚟打機,就咁連接手電當藍牙耳機用都得,一樣可做免提(耳機內置咪)。但試過聽Jason Mraz就麻麻哋,可能重beat嘅歌會啱啲。

DTS 7.1入門版 STEALTH 500P
Turtle Beach新系列又點止1隻款咁少,計埋PC、Xbox One同其他低階版本,新貨總共有7隻。但睇完後,覺得除咗ELITE 800之外都唔太抵玩,唯一值得講係ELITE 800嘅低階版本STEALTH 500P,同樣有DTS Headphone:X嘅7.1環迴立體聲,亦係無線設計,但少咗降噪、手電對應、場景模式等功能,要用USB接收器同主機配對,咪亦變成伸縮咪,冇咁瀟灑囉。但價錢平一半以上,要求唔高都有得諗。

STEALTH 500P一樣有型,但冇皮耳墊同其他內置功能,純粹保留DTS 7.1同無線連接,比較入門。$1,299
STEALTH 500P一樣有型,但冇皮耳墊同其他內置功能,純粹保留DTS 7.1同無線連接,比較入門。$1,299

YOU MAY ALSO LIKE ...