遊戲靚聲王 Turtle Beach ELITE 800

曾經試過夜晚玩《GTA5》,因為遊戲有太多粗口,搞到被家人投訴,要將音量收細先勉強可以繼續玩,但細細聲偷雞咁玩實在唔爽,夜媽媽打機又唔想嘈到人,惟有用耳機幫拖。
有超過35年歷史嘅美國遊戲音響品牌Turtle Beach,最新推出多款耳機,其中旗艦級Turtle Beach ELITE 800有最強規格,包括專利DTS Headphone:X 7.1環迴立體聲、無線降噪、18種智慧音效增強模式等等。實試音色靚得驚人,最詭異係可以同時用藍牙連接手電,變成免提使用,係市場上唯一有此功能嘅耳機,好處係打機嗰陣,點都會知道有電話打俾你,而唔使除低耳機先可以接聽同對話。唯一缺點係只對應PS3同PS4,但咁多嘢加埋都只係收你良心價$2,800,重想點?

YOU MAY ALSO LIKE ...