豪華鬥親民 SAMSUNG GALAXY S6 vs ASUS ZenFone 2

上個月至喺MWC以雄霸天下嘅姿態亮相,1個月後實機終於到港,正是SAMSUNG GALAXY S6系列一門雙傑─S6、S6 edge,宇宙級規格,嚇親好多街坊,加埋雙側芒極度創新,註定與別不同。但唔知有心定無意,同期另有注目新機ASUS ZenFone 2突然見街,呢部手電剩睇規格當然同S6冇得鬥,但就係全球首部內建4GB RAM嘅電話,加上性價比極高,亦贏得唔少朋友關注。
同樣注目,自然要擺埋一齊寫,但編輯唔同意:「2部機唔同level,邊有得比較呀?」冇錯,隻揪隻鬥spec.賽果當然明顯,但若只睇牌子同規格,手電界早就被SAMSUNG攻陷,所謂鹹魚青菜各有所愛,你有你平玩性能唔差嘅ZenFone 2,我有我霸氣雙側芒玩盡S6 edge,目標觀眾完全唔同,各有各做,又各有各市場,先顯得出Android機一貫嘅自由風格。

text-Nam photo-Pakco

_A8A3435

明屈機
GALAXY S6 edge
要寫SAMSUNG GALAXY S6,剩係寫晒部機嘅spec.已經霸到大半版。作為SAMSUNG今年終極武器,S6冇俾機會其他對手,近乎將最好嘅技術放晒入部機,包括OIS光學防手震嘅1,600萬像鏡頭、心率感應器、指紋掃描器等等,甚至玩埋一雞兩味,拆開S6同S6 edge,冇藉口俾你對其他牌子三心兩意。
兩部機分別只係螢幕設計唔同,因此選擇與別不同嘅S6 edge作為主力介紹。S6 edge最特別之處係有個雙邊曲面側屏幕(Dual Edge),為業界首見,而且兩邊芒同樣有功能,可配合用家需要而定義操作。由規格到外形都擺明屈機,今次對手有難。

spec.
系統:Android 5.0 Lollipop
屏幕:5.1吋Quad HD(2,560×1,440)1,670萬色577ppi Super AMOLED
處理器:8核心64-bit(4核心2.1GHz + 4核心1.5GHz)
鏡頭:f1.9光圈1,600萬像素OIS防手震(主鏡頭)、500萬像素(22mm前置鏡頭)
記憶體:32GB、64GB,3GB RAM
體積:143.4×70.5×6.8mm(S6)/ 142.1×70.1×7.0mm(S6 edge)
重量:140g(S6)/ 132g(S6 edge)

電池:2,550mAh(S6)/ 2,600mAh(S6 edge)
推出日期:4月10日
售價:$5,698(S6 / 32GB)、$6,598(S6 edge / 32GB)、$7,498(S6 edge / 64GB)
查詢:SAMSUNG(3698 4698)

玩盡側芒
老實講,SAMSUNG首部側芒機Note Edge我係唔buy的,外形古怪,側芒亦唔實用。S6 edge同樣係側芒,但弧度就合理得多,一般情況下,甚至冇影響視覺,就算用到雙側芒,件事都仍然係work。同S6相比,S6 edge唔止睇落線條更slim,亦因機側微曲而變得更有手感。

有人認為側芒冇用,但就加入側屏閃光(Edge Lighting)同人物側屏(People Edge)兩大功能彌補,同時亦好似Note Edge咁將側芒當成notification bar使用。簡單嚟講,今次側芒型咗亦有用咗,即試俾你睇。

當你反轉手電擺,有人打俾你就會發出光芒,你亦可以設定聯絡人來電嘅顯示顏色,呢個就係側屏閃光功能,玩落勁型。
當你反轉手電擺,有人打俾你就會發出光芒,你亦可以設定聯絡人來電嘅顯示顏色,呢個就係側屏閃光功能,玩落勁型。
至於人物側屏則純粹俾你快速設定常用聯絡人,又係用手一拉就會見到。
至於人物側屏則純粹俾你快速設定常用聯絡人,又係用手一拉就會見到。

304

 

喺解鎖畫面入面,亦會見到右手邊有啲顏色條,只要拉出嚟就會見到有咩miss咗嘅電話或通知。
喺解鎖畫面入面,亦會見到右手邊有啲顏色條,只要拉出嚟就會見到有咩miss咗嘅電話或通知。

造工超強
同事聽我讚S6 edge靚,以為我黐咗線,皆因一直認為GALAXY系列同「靚」字無緣,特別係一貫塑膠背蓋,膠味甚濃,就算高規格、可換電插卡都係咁話。去到S6 edge,SAMSUNG終於肯大膽取消換電插卡設計,換嚟完全一體化機身,鋁合金外框加上底面都用咗Corning Gorilla Glass 4,非常扎實,只要一攞上手,就會驚覺今次進步的確極大,觀感同觸感都係咁多代GALAXY中最出色嘅,確實值得俾個like。

 

雙邊曲面側芒,冇上次Note Edge側得咁離譜,而且打磨得非常光滑,靈敏度高,亦會反映光線,靚。
雙邊曲面側芒,冇上次Note Edge側得咁離譜,而且打磨得非常光滑,靈敏度高,亦會反映光線,靚。
機背鏡頭已經係最要扣分嘅位置,火山口式鏡頭確實唔討好,然而機底部分經特別製作,反射自然光時,顏色會有唔同層次。
機背鏡頭已經係最要扣分嘅位置,火山口式鏡頭確實唔討好,然而機底部分經特別製作,反射自然光時,顏色會有唔同層次。
S6已支援Touch ID嘅指紋解鎖,唔再需要掃,同Touch ID一樣,記錄指紋後,直接點擊Home掣就會開機,按2下Home掣更會變成相機模式。
S6已支援Touch ID嘅指紋解鎖,唔再需要掃,同Touch ID一樣,記錄指紋後,直接點擊Home掣就會開機,按2下Home掣更會變成相機模式。
前置鏡頭一樣有大光圈同廣角,無須擔心selfie唔夠靚。
前置鏡頭一樣有大光圈同廣角,無須擔心selfie唔夠靚。

夜攝冇難度
冇錯,有留意開S6嘅朋友,都知今次S6喺相機鏡頭落咗唔少心機改良,先係用咗Sony 1,600萬IMX240感光元件,鏡頭有28mm標準廣角同f1.9超大光圈,另外亦同iPhone 6 Plus睇齊,支援OIS光學防手震,夜攝能力絕對期待。

S6攝影介面較似Android原生,簡潔唔複雜,比較特別係有個下載選項,可以直接經此去Play Store擴充相機功能。
S6攝影介面較似Android原生,簡潔唔複雜,比較特別係有個下載選項,可以直接經此去Play Store擴充相機功能。
記得當日發布會,S6主動同iPhone 6比較,結果反被Apple用「Shot on iPhone 6」暗串,但坦白講,S6夜攝力非常出色,低光拍攝仍然見到圖片清晰度佳,冇乜「油畫化」同鬆郁矇問題,市面好少機做到。
記得當日發布會,S6主動同iPhone 6比較,結果反被Apple用「Shot on iPhone 6」暗串,但坦白講,S6夜攝力非常出色,低光拍攝仍然見到圖片清晰度佳,冇乜「油畫化」同鬆郁矇問題,市面好少機做到。

S6靚色冧女
如果你嫌側芒設計太前衛,只求有部勁機替換,正常版嘅S6就幫到你。雖然只有32GB版本,但處理器、相機鏡頭、屏幕質素同樣足料,而且重多咗隻非常罕見嘅湖水藍色,實機睇比起相片更靚,相信女士見到會好冧。

312

313

_A8A3482

平靚正
ASUS ZenFone 2
ASUS貴為台灣電腦科技界大哥,手電系列似乎喺香港唔算主流,不過世界各地都有粉絲支持,喺日本嘅SIM free手電市場中,ZenFone更加係no.1。今次ZenFone 2繼續走平實路線唔花巧,規格四平八穩之餘,同時維持平民價格,兩千鬆啲就可玩盡4GB RAM、64-bit處理器、1,300萬像素鏡頭、f2.0大光圈、高清FHD IPS芒,重要有金屬髮絲紋弧形機背,3個字講晒「平靚正」,親民抵玩到離譜。

精緻質感
睇價錢,冇期望ZenFone 2會有幾好嘅造工,偏偏冇期望就有驚喜,機身輕巧唔在講,因機背用咗類似LG手電嘅弧形設計,加強咗手感舒適度,而且機面、音量、開關掣等等,都加入ASUS風格嘅精緻髮絲紋同心圓紋理,冇話將貨就價,非常有質感。另外,部機支援雙卡雙待,背蓋亦可拆除換款,實用性高,加埋自家嘅Zen UI,用落意外地方便。整體上,除咗設計冇乜特色之外,就算刻意挑剔都好難搵到嚴重缺點,最高性價比嘅手電當之無愧。

就算係入門版,機面底部都會有同心圓紋理,感覺特別精緻。
就算係入門版,機面底部都會有同心圓紋理,感覺特別精緻。
機背音量掣同鏡頭擺位都令人諗起LG,實用但略欠特色。
機背音量掣同鏡頭擺位都令人諗起LG,實用但略欠特色。
開關掣放喺機頂正中間位置,唔太就手,畢竟部機都有5.5吋芒,單手難開機。
開關掣放喺機頂正中間位置,唔太就手,畢竟部機都有5.5吋芒,單手難開機。
只有4GB版本ZE551ML先會有靚絕嘅髮絲紋背蓋,不過唔啱睇都可以換嘅。
只有4GB版本ZE551ML先會有靚絕嘅髮絲紋背蓋,不過唔啱睇都可以換嘅。
Zen UI比唔少廠牌嘅介面設計更好用,簡單如notification bar已可操作大部分嘅系統設定,值得一讚。
Zen UI比唔少廠牌嘅介面設計更好用,簡單如notification bar已可操作大部分嘅系統設定,值得一讚。

4倍超高解析
唔好以為平嘢冇好,ZenFone 2嘅拍攝功能絕對稱得上強勁,1,300萬像鏡頭,配合自家PixelMaster技術,亦有雙色溫LED、Live HDR同f2.0光圈,試過質素相當高。但講到特別,其實係「超高解析度」模式,可以將相片像素以補差點技術放大4倍(約5,033萬像),即試!

ZenFone 2拍攝介面較為friendly,模式選擇都有圖案表達,操作更直覺化。
ZenFone 2拍攝介面較為friendly,模式選擇都有圖案表達,操作更直覺化。
拍攝當日接近黃昏6點,天陰陰亦冇乜太陽,先以Live HDR模式拍攝,由天空可充分反映到天色有幾惡劣,同時亦見到建築物線條輪廓,連內部嘅光管燈光都影埋,可見其HDR功能非常強大。
拍攝當日接近黃昏6點,天陰陰亦冇乜太陽,先以Live HDR模式拍攝,由天空可充分反映到天色有幾惡劣,同時亦見到建築物線條輪廓,連內部嘅光管燈光都影埋,可見其HDR功能非常強大。
相同位置,改以「超高解析度」模式拍攝,再冇HDR嘅戲劇感。由於只係用補差點方式去夾硬谷大,就算張相由4,096×3,072變成8,192×6,144,其實都對細節表現冇太大幫助,但就更能還原實況。
相同位置,改以「超高解析度」模式拍攝,再冇HDR嘅戲劇感。由於只係用補差點方式去夾硬谷大,就算張相由4,096×3,072變成8,192×6,144,其實都對細節表現冇太大幫助,但就更能還原實況。

ZenFone版本你要知
有選擇係好事,但ZenFone 2嘅選擇似乎有啲繁複,唔睇真好易入錯貨。今次系列其實分成3個版本,包括本文介紹嘅4GB RAM版本ZE551ML,當中又分成32GB同64GB版,前者處理器用咗Atom Z3560 1.8GHz,比後者嘅Atom Z3580 2.3GHz弱,但價錢只平少少($2,099)。另外,亦有部入門版ZE550ML,佢只有2GB RAM、16GB,用咗Atom Z3560 1.8GHz處理器,冇NFC功能,5.5吋螢幕亦降至只有HD(1,280×720)解像度,勝在價錢只賣$1,499。3個版本各有唔同,買機前要睇清楚。

入門版ZE550ML雖然有多色選擇,但機背冇用到金屬髮絲紋理,係同ZE551ML喺外觀上嘅最大分別。
入門版ZE550ML雖然有多色選擇,但機背冇用到金屬髮絲紋理,係同ZE551ML喺外觀上嘅最大分別。

伸延閱讀

麗的年代復古喇叭 View QuestHepburn

 

 

YOU MAY ALSO LIKE ...