全裸

全裸

若說黑白是時裝界的不死顏色,那麼裸色就必定是化妝界的長青之最,只因無論任何膚色、何時何地,化上裸調妝容都不會「出事」。今次就介紹4款裸色系彩妝品,蜜粉、眼影、胭脂、唇膏及唇彩也樣樣齊,保證你件件都「啱使」。

text-Emily Tsui photo-Tung

 

限量!

記者點評:「叫得Runway Collection,就知道佢唔簡單!呢個collection係Giorgio Armani首次推出嘅時裝訂製彩妝系列,靈感嚟自時裝騷中model嘅舞台妝容,重要係全球限量發售,極之矜貴!當中呢個有齊蜜粉,同3款earth tone眼影嘅palette就又靚又實用,出街補妝一盒就搞掂。」

Giorgio Armani Armani Runway Face Powder & Eyeshadows Trio Palette  內藏眼影及面部蜜粉。半透明的蜜粉,能塑造均勻啞緻的妝效,突出面部輪廓。 而3色眼影粉,則可美化雙眼,妝效持久。$890/14.4g/a
Giorgio Armani Armani Runway Face Powder & Eyeshadows Trio Palette
內藏眼影及面部蜜粉。半透明的蜜粉,能塑造均勻啞緻的妝效,突出面部輪廓。
而3色眼影粉,則可美化雙眼,妝效持久。$890/14.4g/a

 

誘唇!
記者點評:「一講到Chanel嘅唇膏,試問有邊位女士會唔心動?今次Chanel重要為Rouge Coco呢個經典系列,一次過推出24款全新色調,問你死未?試咗上嘴之後,我嘅評價係超潤、超上色,可以完全遮到唇紋,就算係裸色都一樣係咁顯色,重好易carry,冇得彈。」

Chanel Rouge Coco #404 色澤鮮明,以3重植物蠟質組成,質感豐盈柔潤,有效填補唇紋,修飾粗糙唇部肌膚。$275/3.5g/h
Chanel Rouge Coco #404
色澤鮮明,以3重植物蠟質組成,質感豐盈柔潤,有效填補唇紋,修飾粗糙唇部肌膚。$275/3.5g/b

 

晴彩!
記者點評:「咪睇佢成支唇彩咁,其實佢係眼影霜嚟。佢嘅質地好似水,好滑好易推,輕輕點少少上眼,再用手指blend開,就可以覆蓋到成個眼蓋,效果好均勻。而呢隻金金哋嘅焦糖色,除咗可以單用,重好啱用嚟打底,之後再搽其他眼影上去都唔會起摺。」

Paul & Joe Eye Gloss S #04 Crème Brulee  如精華素般水潤的配方,結合乳液基底,順滑易推。獨特的閃亮水漾薄膜配方,令顏色更清澈鮮豔。$200/6ml/p
Paul & Joe Eye Gloss S #04 Crème Brulee
如精華素般水潤的配方,結合乳液基底,順滑易推。獨特的閃亮水漾薄膜配方,令顏色更清澈鮮豔。$200/6ml/c

 

In脂!
記者點評:「邊個話搽胭脂一定要紅卜卜先靚?有時化啲型格妝,例如smoky eyes,裸色胭脂先係最佳拍擋。而Nars呢款胭脂嘅顏色就非常特別,裸得嚟帶有好淡嘅梅紅色,掃上面之後,有自然的紅潤嘅感覺之餘,重有啲cool cool哋嘅味道,係型女必備。」

Nars Reckless Blush  柔和的色彩,可打造出自然健康的妝感,適合各種肌膚色調。蘊含維他命成分,能持久社肌膚保濕。$310/4.8g/w
Nars Reckless Blush
柔和的色彩,可打造出自然健康的妝感,適合各種肌膚色調。蘊含維他命成分,能持久社肌膚保濕。$310/4.8g/d

 

 

Shop List

a/Giorgio Armani 中環遮打大廈109號鋪 2532 7733

b/Chanel 銅鑼灣時代廣場B238-B239 鋪 2576 0930

c/Paul & Joe 旺角朗豪坊L2-09號鋪 3514 9238

d/Nars 旺角朗豪坊L2-08號鋪 3514 9186

 

延伸內容

星座x化妝 最佳妝容配對

4款及肩短髮造型

YOU MAY ALSO LIKE ...