大佛四驅車道 黃埔任你玩

大佛四驅車道 黃埔任你玩

四驅車熱潮返晒嚟!喺日本,《四驅小子》喺3月重新連載,喺香港,呢兩年香港四驅車場如雨後春筍爆發,早前我哋亦報道過一眾商台DJ﹕如少爺占、當奴、麻利亞都係四驅車擁躉。
嚟緊復活節,黃埔新天地時尚坊同新蒲崗Mikiki都有迷你四驅車展覽,前者更搵嚟迷你四驅車團M4 CLUB驅樂部設計出1條充滿香港特色嘅賽道,四驅車會繞過天壇大佛、大帽山等地標,快啲帶埋你嘅「私家車」去踩番轉啦!

text-Jessie photo-Man、Billy

天壇大佛路段係由4圈旋轉式包裝軌道圍繞。
天壇大佛路段係由4圈旋轉式包裝軌道圍繞。

非法賽車做槪念
M4 CLUB驅樂部係香港資深迷你四驅車車會,有自己車場,今次除咗借出珍藏車作展覽,重為商場設計咗全球首條以香港地標為主題嘅賽道,設計主腦係著名塗鴉達人Uncle(曾昭昶),佢話今次賽道設計加入非法賽車元素。「喺香港,非法賽車通常都會經過高速公路或大橋,我哋車會喺葵青區,所以就用咗青馬大橋,有青馬大橋,又點少得另1個同佢好近嘅地標天壇大佛?至於點解會有大帽山同啟德隧道?因為喺資料搜集時,知道原來呢兩個係香港嘅非法賽車熱點!」

Uncle

Uncle

 

難過跳台關

賽道共有3條軌,全長150米!四驅車會穿插多個香港獨特地標之餘,重有各個唔同難度嘅關卡。Uncle話:「成條賽道最難係青馬大橋部分,嗰度係參照Japan Cup 2013嘅地獄跳台賽道設計而成,好考車嘅平衡同穩定,差少少都會成部車飛離賽道。另1個位就係大帽山位置,嗰度斜度有成40度,少啲力都上唔到去。不過呢條賽道嘅難度比正式技術軌相對較低,所以適合大家一齊玩。我建議玩嘅時候,可以校到部車好高速,玩起上嚟效果就會更好。」

大帽山上有個小亭,原來係好多飛車黨喺大帽山賽車時,好鍾意喺山上英雄亭停低影相。模型重有1部警車仔,真得嚟亦有啲搞笑。
大帽山上有個小亭,原來係好多飛車黨喺大帽山賽車時,好鍾意喺山上英雄亭停低影相。模型重有1部警車仔,真得嚟亦有啲搞笑。
啟德隧道呢部分係隱敝軌道,又係極之像真,同真嘅隧道一樣,入口有燈號顯示箭嘴。
啟德隧道呢部分係隱敝軌道,又係極之像真,同真嘅隧道一樣,入口有燈號顯示箭嘴。
青馬大橋係全條賽道最難嘅路段,係參照跳台嘅設計,所以,如果速度夠快、衝力夠大、穩定度夠高嘅車,係會喺上斜後飛起直接跌落斜位。
青馬大橋係全條賽道最難嘅路段,係參照跳台嘅設計,所以,如果速度夠快、衝力夠大、穩定度夠高嘅車,係會喺上斜後飛起直接跌落斜位。

「迷你四驅珍藏展」
日期:即日至4月7日(4月3及5日為跑道試玩日)
時間:12:00nn-9:00pm
地點:黃埔新天地時尚坊地庫
費用:免費
查詢:2121 8344

YOU MAY ALSO LIKE ...