黑客睇唔過眼修BUG後快70% GTA Online讀取資料時間勁耐
撰文：odin | 圖片來源：nee
【GTA Online】讀取資料時間勁耐
唔少玩家抱怨《GTA Online》讀取速度勁慢，呢個問題終於引到一位黑客忍唔住出手，利用程式查明《GTA Online》讀碟過慢嘅原因，最後居然發現係《GTA Online》程式碼裡面一個函數設置失誤，令到處理器呢4分幾鐘共實行咗19.8億次多餘嘅指令拖慢晒，令玩家無啦啦等多幾分鐘，呢位黑客表示，佢部電腦要用成6幾分鐘先入到《GTA Online》，而呢段讀取《GTA Online》遊戲時間裡面，電腦有4分幾鐘因為讀取《GTA Online》程式問題，嚴重耗用處理器嘅資源，於是佢就利用處理器任務分析工具發現咗《GTA Online》讀碟過程入面，有兩個函數佔用咗大量嘅處理器資源，因而令《GTA Online》讀取資料時間變得勁耐。
【GTA Online】黑客睇唔過眼修BUG後快70%
黑客表示佢部電腦用成6幾分鐘先入到《GTA Online》，而呢段讀取《GTA Online》遊戲時間裡面，電腦有4分幾鐘因為讀取《GTA Online》程式問題，嚴重耗用處理器資源，此外佢亦從一個讀取格式化字符串中資料嘅函數裡面，分析出喺《GTA Online》裡面呢個函數需要讀取約63,000多個檔案容量約10MB，而呢個動作將會實行多達19.8億次，於是呢位黑客修改唔再讀取呢63,000個字串嘅每一個字符，取而代之只讀取字串嘅長度，並跳過重複嘅檢查令《GTA Online》嘅讀取時間由6分幾鐘縮減成1分50秒，雖然呢位黑客有將修改版放上網分享，不過由於遊戲表明唔容許玩家自行修改相關程式，所以都係建議玩家們乖乖等廠方更新啦！
相關文章
為咗打機可以去到幾盡 英國逃犯冒險出門買Game被捕
【GTA Online】《俠盜獵車手 Online(GTA Online)》官方戰勝外掛「Luna Cheats」 道歉關站兼將收益捐贈俾慈善機構
【GTA V】美國為打擊罪案提倡禁售《GTA V》 出售或出租皆罰7千7港元
有沒有switch遊戲推薦？
作為現時最具人氣的遊戲主機之一的Switch，遊戲種類非常多，必玩最新14款Switch遊戲推薦2022。想一邊打機一邊做運動減肥？這8款Switch健身遊戲絕對令你玩到爆汗，有日本媽媽玩Ring Fit 9個月激減44磅！想慳錢又想玩game，即睇20隻Switch 免費遊戲推薦，總有一款適合大家！
有手遊或者線上遊戲推薦嗎？
以前Online Game都還沒普及，線上小遊戲確為不少90後提供了很多娛樂，當中12個線上經典小遊戲你一定有玩過。《金庸群俠傳》絕對是DOS經典遊戲之一，「在線DOS遊戲」的網站裡面有合共1898款DOS遊戲，無需安裝任何程式！手遊方面，這三款手遊推薦必不可錯過！
