【Switch】《糖豆人:終極淘汰賽》夏天登陸 破壞友情遊戲 支援60人大混戰

遊戲

廣告

任天堂喺今朝舉行嘅Nintendo Direct裡面,發布咗唔少重量級消息,已經推出喺PS4及PC平台嘅《糖豆人:終極淘汰賽(Fall Guys:Ultimate Knockout)》就宣布今年夏天將會登陸喺Switch平台,最多支援60人大混戰,呢隻破壞友情遊戲會唔會同FD玩到掟爛手掣?

撰文:odin | 圖片來源:官方影片

Switch】《糖豆人:終極淘汰賽》夏天登陸

呢款由英國團戰Mediatonic Games開發嘅多人動作遊戲《糖豆人:終極淘汰賽》喺全球相當火熱,自2020年8月推出以嚟《糖豆人:終極淘汰賽》已經火速席捲全球遊戲市場,遊戲嘅簡單直覺玩法帶畀玩家各種歡樂,《糖豆人:終極淘汰賽》「百戰百勝」動作闖關競技玩法配埋逗趣可愛嘅角色造型,已經先後打破「PlayStation Plus」免費遊戲下載紀錄以及喺Steam締造上千萬套嘅銷售佳績,《糖豆人:終極淘汰賽》重成為咗2020年遊戲實況直播嘅熱門主題,世界各地嘅知名實況主都曾經直播呢款大熱作品。

【Switch】支援60人大混戰。
【Switch】支援60人大混戰。
【Switch】避過障礙物鬥快衝到終點。
【Switch】避過障礙物鬥快衝到終點。

 

【Switch】破壞友情遊戲 支援60人大混戰

《糖豆人:終極淘汰賽》之所以引人入勝,主要係因為玩法夠晒簡單,玩家們需要運用急智及反應去破解通道上嘅障礙物,跑跑跌跌咁鬥快衝到終點,每場小關卡大約數分鐘就會完成,闖關失敗將會被淘汰,然後可以繼續觀戰或者挑戰新嘅關卡,今早任天堂舉行嘅Nintendo Direct裡面公布,《糖豆人:終極淘汰賽(Fall Guys:Ultimate Knockout)》將會推出Switch版本,並支援60人大混戰進行各式各樣嘅淘汰賽,暫定將會喺今年2021年夏季推出,有興趣嘅朋友記得留意住啦!

【Switch】角色可以更換不同造型。
【Switch】角色可以更換不同造型。
【Switch】亦設有不同節日限定造型款式。
【Switch】亦設有不同節日限定造型款式。

有沒有switch遊戲推薦?

作為現時最具人氣的遊戲主機之一的Switch,遊戲種類非常多,必玩最新14款Switch遊戲推薦2022。想一邊打機一邊做運動減肥?這8款Switch健身遊戲絕對令你玩到爆汗,有日本媽媽玩Ring Fit 9個月激減44磅!想慳錢又想玩game,即睇20隻Switch 免費遊戲推薦,總有一款適合大家!

有手遊或者線上遊戲推薦嗎?

以前Online Game都還沒普及,線上小遊戲確為不少90後提供了很多娛樂,當中12個線上經典小遊戲你一定有玩過。《金庸群俠傳》絕對是DOS經典遊戲之一,「在線DOS遊戲」的網站裡面有合共1898款DOS遊戲,無需安裝任何程式!手遊方面,這三款手遊推薦必不可錯過!

關鍵詞
Switch