買豉油送雞 《Final Fantasy零式HD》

買豉油送雞 《Final Fantasy零式HD》


2011年,Square Enix曾經喺PSP平台推出《Final Fantasy(FF)》系列外傳《Final Fantasy 零式》。同一般FF系列好唔同,《FF零式》只抽取咗FF嘅世界觀,例如水晶、召喚獸、魔法、魔導裝甲等,同本傳無關,被喻為係新起點嘅《Final Fantasy》,風格亦較針對日本ACG群體,冇一般勇者救地球咁老正。上星期呢隻高清重製版《FF零式HD》終於登陸PS4,唔再限死喺低規格嘅PSP平台玩,自然令粉絲期待。但即使遊戲有幾高清都好,始終都唔係全新作,相比下,隨《FF零式HD》首批附送嘅《Final Fantasy XV -Episode Duscae-》遊戲下載code似乎先係主菜,皆因呢隻就係《FF15》體驗版。

text-Nam photo-網上圖片

PS4_PCAS02010_cover_ol_2015.02.13

《Final Fantasy零式HD》
平台:PS4
售價:$468(下載版$423)
查詢:2341 2356(SCEH)

學生哥上戰場
《FF零式HD》最大改變自然係高清化,其餘都同原版一樣。故事背景設定喺奇幻世界「歐立安斯」,並以4粒水晶嘅力量分成4個機構,分別以「朱雀」、「白虎」、「蒼龍」、「玄武」為名,隸屬喺4個唔同國家。本來平衡嘅秩序,直到擁有白虎力量嘅米利提斯皇國,對鄰國朱雀領魯布路姆展開侵略而失衡。玩家就係扮演喺朱雀領魔導院第零班就讀嘅12位訓練生,為對抗皇國軍隊入侵而走上前線。除咗高清化外,新增元素重有角色嘅新金色斗篷服飾、遊戲成就、獎盃、隱藏影片等,對冇玩過嘅朋友嚟講,算係無關痛癢,但角色有新衫着,相信粉絲已經收貨。

呢班就係被選中嘅細路,著到咁型打仗都唔係咁易。
呢班就係被選中嘅細路,時代選中咗佢哋,着到咁型打仗都唔係咁易。
新元素之一,係呢件金色斗篷,係醒神嘅!
新元素之一,係呢件金色斗篷,係醒神嘅!
另一個賣點,今次同步有繁體中文字幕,感受埋龐大劇情自然玩得更投入。
另一個賣點,今次同步有繁體中文字幕,感受埋龐大劇情自然玩得更投入。

戰鬥系統最好玩 
之前講過,《FF零式HD》風格亦較針對日本ACG群體,12位角色全部都係俊男美女,本身亦係以成為傳說救世主「覺醒者(Agito)」而存在,所以唔好奇怪點解拯救世界咁大件事竟然要靠12個細路去做。流程方面,玩家可以喺12個角色入面揀3個組成小隊,再以小隊接受唔同任務,去逐步解鎖劇情。比較特別嘅係遊戲嘅戰鬥系統,動作性十分豐富,唔係一味死撳掣亂斬,接受到呢類風格嘅話,此作喺業界確實有唔錯評價。

《FF零式HD》戰鬥系統唔似傳統JRPG,動作元素都幾多。
《FF零式HD》戰鬥系統唔似傳統JRPG,動作元素都幾多。
FF最出名嘅召喚獸,點都要有。
FF最出名嘅召喚獸,點都要有。
上星期遊戲製作人田畑端嚟港做宣傳,重有Miss Hunny、小花等Youtuber以cosplay亮相。講真田畑san名氣唔算高,但都有過百粉絲到場排隊等簽名。
上星期遊戲製作人田畑端嚟港做宣傳,重有Miss Hunny、小花等YouTuber以cosplay亮相。講真田畑san名氣唔算高,但都有過百粉絲到場排隊攞簽名。

等足10年?《FF15》體驗版
明明《FF15》喺2013年E3已經公布,點解有人話等足10年?皆因《FF15》前身早喺06年已經發表,並預計喺PS3推出,名為《Final Fantasy Versus 13》,後來先借屍還魂成為15。不過,講就咁講,隻game肯定已同當初大有分別。田畑san自己亦深明《FF15》魅力,於是喺零式嘅初回預購版入面,送多隻《Final Fantasy XV -Episode Duscae-》,抽取咗《FF15》遊戲序章劇情再加料炮製,甚至有埋繁體中文字幕,肯定之後玩唔番咁話。得罪講句,對粉絲嚟講,呢隻分分鐘先係主角,想玩呀?買零式囉!

主角Noctis,有錢、靚仔、有幾個跟班、可以隨時變把劍出嚟打人,剩係知咁多。
主角Noctis,有錢、靚仔、有幾個跟班、可以隨時變把劍出嚟打人,剩係知咁多。
女主角Stella更加神秘,暫時剩係得個樣睇!有冇機會成為新一代FF女神?
女主角Stella更加神秘,暫時剩係得個樣睇,有冇機會成為新一代FF女神?
到現時為止,我哋對《FF15》嘅故事仍然一無所知,但試玩版據知長達3個鐘,唔買唔得!
到現時為止,我哋對《FF15》嘅故事仍然一無所知,但試玩版據知長達3個鐘,唔買唔得!
呢隊唔係K-POP組合,係《FF15》4個主角,全男班。聽聞遊戲不設換人,即係由頭到尾都係佢哋4個,啱睇嘛?
呢隊唔係K-POP組合,係《FF15》4個主角,全男班。聽聞遊戲不設換人,即係由頭到尾都係佢哋4個,啱睇嘛?

配角變主角有前科
送《FF15》試玩版呢招夠高章呢?不過唔係佢哋第一次咁玩啦,最經典例子要數到96年,當年萬眾期待嘅《FF7》又係死都唔肯出,於是製作人坂口博信就喺另1隻自家監製嘅遊戲《Tobal No.1》入面送《FF7》體驗版。要知道嗰陣FF兩個字,比而家有令人更加瘋狂嘅魅力,於是1隻名不經傳嘅動作遊戲竟然賣出近66萬隻,搞到Square(當時未合併)以為自己真係做到動作game,點知續作《Tobal 2》得番30萬銷量。

《Tobal No.1》封面大大隻字將《FF7》體驗版擺出嚟,其實隻game有鳥山明做人設亦非常好玩,可惜續作輸得太慘,從此劃上句號。
《Tobal No.1》封面大大隻字將《FF7》體驗版擺出嚟,其實隻game有鳥山明做人設亦非常好玩,可惜續作輸得太慘,從此劃上句號。

伸延閱讀:

智高品質 PENCIL觸控筆

YOU MAY ALSO LIKE ...