楊怡與羅仲謙為家人齊改名 網友幫手改名超爆笑：「羅怡、楊仲謙」
廣告
楊怡與羅仲謙結婚4年，終於在今年情人節前夕開心宣布做新手爸媽，並笑指 BB 係「小小電燈泡」。直至4月22日，楊怡與羅仲謙再在各自的社交網上宣布愛女已經出世，比預產期早咗少少，仲話B女細細粒好似珍珠，所以改乳名為「小珍珠」，而在今午時候，楊怡同羅仲謙又再在社交網上宣布，為了家人好，決定由今日起正式改名為「羅子溢」、「楊茜堯」。
撰文：東方新地、圖片：楊怡、羅仲謙IG
楊怡 羅仲謙齊改名
楊怡在囡囡「小珍珠」半歲大日子，在ig宣布因為一家這年多來經歷不少變化，為了家人更好而作出改名的決定！
新名「羅子溢、楊茜堯」 網友反應：好唔慣
對於二人改名的決定，一眾粉絲大多表示支持，亦有人表示「個名唔識讀」、「好唔慣⋯⋯」
網友幫手改名仲爆笑：「羅怡、楊仲謙」
知道有得改名，網友當然玩埋一份！
35歲羅仲謙IG報喜與40歲楊怡成新手父母
恨B恨到出晒面嘅楊怡同羅仲謙，上年終於成功造人，B囡4月就已經出咗世啦！4月22日羅仲謙就喺IG報喜，指囡囡已經平安出世，除咗多謝一班醫護人員，當然唔少得多謝懷胎十月嘅老婆。喺一個咁有愛嘅環境入面成長，「小珍珠」一定會健康又快樂！
創意網民齊齊幫「小珍珠」改名
兩公婆暫時未公開B女姓名，不過一班網民已經急不及待要幫BB改名，當中不乏搞笑答案，大家一齊揀下啦：
- 就叫”羅肆拾”囉
- 羅仲Her
- 羅致光，IQ 160，60歲仲係中年唔俾退休
- 側田真名-羅定偉 (攞定位)
- 羅湖商業城
- 羅友恆、羅友童、羅友正、羅友香（羅友系列）
- 羅白高
- 羅莽
- 羅偶鼻
- 羅囉攣
- 羅旋掌
- 羅利控
楊怡曾孖老公拍孕照 感性發文：與BB「合二為一，生活同步」
楊怡懷孕期間曾發文表達初為人母嘅感受：「一個身體，兩顆心跳，素未謀面，卻感受至深。女人一輩子，大概只有這個旅程，會有人與你『合二為一，生活同步』，同憂同喜，同食同睡。感恩我能體會這奇妙的旅程。人說懷孕的女人最漂亮，我想是因她們臉上會流露出一種孕育生命才有的光芒吧 ……. 母愛。」而老公謙謙亦期待小情人嘅來臨，表示知道老婆陀 B 好辛苦，會更努力愛護佢咁話！
