卓韻芝老公打打下機瞓著 阿芝多手令遊戲GameOver即向網友求救 網友：點解啲老婆咁鍾意攪老公個手掣？！

撰文：宅宅子｜圖片來源：卓韻芝FACEBOOK、卓韻芝IG

老公打打下機瞓著 卓韻芝多手GG遊戲內角色

未知大家有否試過，打機期間睡著，又或者行開時，另一半偷偷拿起手掣，貪玩數次，但當玩死遊戲內的角色後，就慢慢扮作若無其事地放下，甚至是開口大叫「呀！死了，GameOver！」呢？卓韻芝昨日就在個人社交網留言，指見到老公打機期間睡著了，但見到遊戲畫面正開，於是就手多多偷手掣來玩。

卓韻芝留言表示：「點好？ 丈夫先生雙手揸住個手掣瞓著咗，我見個game畫面開住，咪拉佢個手掣試吓玩囉，從未玩過PS，摸咗好耐先知咁多粒掣點用，咁我跑山啦，好快跌死咗，我心諗死喇，點知，有得復活（唔知咩隊友救我=復活）咁我就開始亂跑、亂槍掃射啲樹、跳崖之類，反正有得復活，點知去到一個唔知咩毒販脅持人質芧屋，我被射死（我有對準佢但唔識㩒把槍出嚟）畫面變黑白，之後……冇復活，我真係死咗！ 我真係死咗！ 點好？？？我GG咗佢隻game！我而家有少少想將個手掣慢慢zip返入佢雙手就算……請問死咗係咪好大鑊㗎？#唔好問我咩game我只知道要跑來跑去搵毒販 • •」

網友留言獻計超爆笑：用PS5來挽救婚姻

不少網友看到後，都紛紛幫卓韻芝獻計，問她打甚麼遊戲，又叫卓韻芝快去買PS5來挽救婚姻：「無ps5等離婚」、「拔電制扮跳電la」、「放個手制落地，當佢瞓著手制跣手？！」、「PS真係好多制！連熄機都難過人！我明白你！」。

當中更有名網友似乎曾身同感受，寫下相同的經歷給阿芝：「我老婆又係趁我放低左手制去廁所，MHWI 趕走我隻豬，之後問我點算？」隨後仲留下一句：「#點解d（啲）老婆咁鍾意攪老公個手制？」