Razer x 比卡超耳機 參照精靈球設計 今日開訂

Razer x 比卡超耳機 參照精靈球設計 今日開訂

Razer x 比卡超 推出多款聯名週邊設備,而耳機更是必搶之一。Razer最近聯乘台灣 MOMO 網購網進行活動,用戶除咗可於官網購買又多個入手方法,呢幾款電競週邊相當吸引!重點當然係呢款 Razer Hammerhead True Wireless Pikachu limited edition 版本,外觀採用精靈球磁吸式充電盒,單睇造型就知專為訓練員們度身訂造,加埋耳機背顯眼比卡超樣造型,fans又點會唔心動,今日開訂啦!

撰文:Odin |圖片來源:官方網頁|編輯:Easy

Razer x 比卡超耳機

Razer x 比卡超 精靈訓練員必備電競週邊產品
Razer x 比卡超 精靈訓練員必備電競週邊產品

 

超搶眼黃色設計配上比卡超音效
超搶眼黃色設計配上比卡超音效

 

訓練員必入手藍牙耳機

呢款 Razer Hammerhead True Wireless Pikachu limited edition 版本採用藍牙 5.0 傳輸,並支援 60 毫秒超低延遲模式,加上造型相當用心,耳機及矽膠部份採用比卡超象徵黃色外,機背亦搭配比卡超剪影圖案,重用比卡超把可愛聲音提醒你開機、連線同電量等。配埋精靈球款磁吸式充電盒,載住佢出街捉精靈, 100IV 精靈入手完全冇難度。

黃色塗裝配埋比卡超發光尾巴造型
黃色塗裝配埋比卡超發光尾巴造型

 

電競週邊滑鼠鍵盤同步推出

呢款被稱為 DeathAdder Essential 異色版嘅 Razer DeathAdder Essential Pikachu Limited Edition 滑鼠已然連同 Razer Ornata Expert Pikachu Limited Edition 鍵盤同步推出,兩款以黃黑雙色為主加上可愛比卡超造型到底有咩咁吸引?先嚟睇睇滑鼠部份,整隻滑鼠以黃色塗裝配埋比卡超發光尾巴造型(燈光固定為黃色),側邊鍵採用比卡超面上紅色點綴,光學感應器規格為 6400 dpi ,配埋355mm x 254mm、3mm厚 Razer Goliathus Speed 滑鼠墊,邊位採用防鬚邊針織增加耐用度。

磁吸式配上鮮明搶眼比卡超圖案腕托
磁吸式配上鮮明搶眼比卡超圖案腕托

 

Razer Ornata Expert Pikachu Limited Edition 鍵盤採用 Mecha-Membrane 機械式薄膜鍵軸,外框及背光位採用比卡超黃色款,要講到成個鍵盤最大賣點絕對係腕托部份,採用磁吸式配上鮮明搶眼比卡超圖案,成上皮質表面可以有效舒緩長期使用鍵盤對雙手造成的負擔,加埋ESC位亮眼精靈球設計,作為專業訓練員要有。

 

訂購連結

同場加映

HomePod Mini功能用途介紹 最抵玩蘋果喇叭 附上香港價錢

關鍵詞
科技控

YOU MAY ALSO LIKE ...