朱智賢轉做山系KOL拍行山片 霸氣寸嘴14字回覆網民「點解做小三」

流行娛樂

廣告

朱智賢在今年4月時,被媒體影到斷正同人夫黎振燁上山偷食蛋糕後,雖然曾帶埋男友謝東閔一齊開記招,但都依然被無綫雪藏,潛水多月以來,朱智賢為自挽人氣,近日就在YouTube開設頻道,製作行山郊遊片,片中朱智賢刻意收起以往性感,幾乎素顏,仲以行山來比喻人生,大晒健康又正面的訊息,以圖洗走負面形象。

文:東方新地 | 圖:朱智賢IG及YouTube截圖|編輯:HM(原文刊於:東方新地

朱智賢偷食人夫獲男友謝東閔盲撐

朱智賢近年備受力捧,拍劇戲份漸重,為了事業一直唔認同謝東閔的戀情,不過4月卻被爆背住男友謝東閔,因拍劇集《食腦喪B》戲假情真而搭上人夫黎振燁,雖然事後獲男友原諒兼喊住陪開記招,不過朱智賢形象已插水,全面停工立即放入雪櫃,被雪藏多月,曾傳復出主持《東張西望》,不過卻只聞樓梯響,一直未有確實日子。

朱智賢化身山系KOL自救

朱智賢潛水多時,近來重返社交網,密密出po,晒愛犬晒郊遊等健康生活,最近更在YouTube開設頻道上載行山郊遊片,最新一條片是以香港三尖之一 青山 海拔581米 行山如人生 關關難過 關關過」做主題,以行山比喻人生,不過網民似乎唔多buy,更留言重提她做小三的負面新聞,又問「係咪教我哋上山食蛋糕?」、「不如改叫偷食記」,有網民問:「點解要做人小三呀?明明自己都有男朋友」,朱智賢終於忍唔住回覆:「點解要留言呀?明明自己乜都唔知」,死性不改,繼續寸嘴,網民繼續挑機,不過朱智賢沒有再回覆。

朱智賢開頻道訂閲人數不足四百

朱智賢被網民留言問點解做小三,寸嘴回覆後卻刪除了留言,不過網民繼續咬住唔放,質問朱智賢為何刪除留言,又將朱智賢的寸嘴留言再留一次,讓其他未見到的網民都睇到。朱智賢呢次試水溫,似乎唔多成功,嚟緊有份演出的劇集《踩過界II》即將播出,會在其中一個單元演出,不過據知無綫並無刪減她的戲份照樣播出。除了《踩過界II》之外,朱智賢還未播出的劇包括《愛美麗狂想曲》和《食腦喪B》。