Canon x 寵物小精靈概念相機iNSPiC REC 10月底推出 8、90後集體回憶
廣告
Canon x 寵物小精靈推出概念相機？絕對係不少動漫愛好者好消息！《寵物小精靈(精靈寶可夢)》係唔少8、90後集體回憶，今次 Canon Marketing Japan透過眾籌成功，即將會月底聯乘人氣作品《寵物小精靈》概念相機，更會於10月底推出，呢款 iNSPiC REC 比卡超款，賣點之一佢正面版圖案可以隨你喜歡任意更換，好動好靜都適合，細細部扣喺手袋隨時拎出街夠晒 fit ，帶埋佢出街捉精靈就啱晒啦！(價錢16,800円(稅込18,480円)港幣約$1,200元)
輕巧易攜具備防水功能
Canon iNSPiC REC 其中一個賣點就係輕巧方便攜帶，旅行用最適合，機身4.5 x 11 x 1.9cm 重量更只有約90g，輕巧嘅機身重可以配合需要接駁頸繩或腳架等，而且 Canon iNSPiC REC 具備 IP68 防水防塵功能，可2M防水及2M防撞功能，可以喺水下進行長達30分鐘拍攝，機後控制版採用簡單鮮明嘅轉盤式設計，因應你拍攝方式輕鬆切換唔同功能。款靚之餘功能亦都唔惹少，1300萬像素配合電子防手震功能，可錄製長達10分鐘影片及最大容量可達256GB，更支援 Canon Mini Cam 官方應用程式，影完透過 Wifi 或藍牙過相 upload 話咁易。
更換式面版隨心機任意切換
Canon iNSPiC REC 比卡超版更設有多款唔同前面版可作更換，跟機附上比卡超及隨機圖案兩款，而且相機周邊眾多，用家可因應個人需求到官網選購，官方亦設有唔同套餐(包括 BASIC set、 Leisure Set 及 Family Set )，基本款已經相當夠用，如果你有更高需求甚至想打印埋出嚟嘅，亦可選購相關套餐，提早預訂重會送周邊及面版等。
關鍵詞
科技控
