iPhone 綠線、綠屏、綠點?  一文看清預防及解救方法

iPhone 綠線、綠屏、綠點? 一文看清預防及解救方法

iPhone 綠線、綠屏、綠點出現? 近期 iPhone 出現死亡綠線問題日益嚴重,網上有唔少用家都呻話佢部機多咗條免費 Barcode 同螢光棒,就算重開部 iPhone 問題依然存在,唔想部 iPhone 出現呢個問題?到底點樣預防避免?如果不幸中招又點樣可以救得返?不妨睇下以下方法幫唔幫到你。

撰文:Odin |圖片來源:Apple、環球膠報|編輯:Easy

iPhone 綠線、綠屏、綠點出現?

 

iPhone 死亡綠線預防解救方法
網上有唔少用家都呻話佢部機多咗條免費 Barcode 同螢光棒

 

iPhone 硬體缺憾點預防?

坊間傳聞 iPhone 呢個問題幾乎防不勝防,因為原因出自於硬件缺陷,有傳因為電壓運行出問題導致綠色子像素( OLED )電路故障引起問題,出現時屏幕左或右側會出現垂直綠線,同時亦可能出現一攤白影等,嚴重嘅情況重會擴散開,令到視野嚴重受影響。至於點預防?導致問題最大原因有幾點,避免跌部機令屏幕損壞,呢點係最大機會出現死亡綠線原因。另一個原因就係濕水,兩點盡避可以有效減少綠線、綠屏、綠點出現機率。

擴散到咁幾乎睇唔到個 mon 有乜
擴散到咁幾乎睇唔到個 mon 有乜

 

網民報稱手機免費變螢光棒
網民報稱手機免費變螢光棒

 

不幸中招點解決

假如不幸地你部愛機出現呢個問題又點解決?首先 check 下保養過期未,未過就可以免費拎去換屏幕或硬件,但如果過咗期就唯有自己諗辦法,但用咩方法搞都好,先自行 Backup 咗部機先包無死,雖然坊間都話熄機無助解決呢個問題,但先試呢招無壞,撳實 iPhone 個開關機掣再掃向右關機,如果都係唔得就駁部機去 iTunes 強制重啟設備,再進入恢復模式進行更新或還原,但事前記得先 Backup ,跟住恢復步驟即可。做晒都搞唔掂基本上就係硬件出問題,唯有拎返廠搞。

check 下保養過期未,未過就可以免費拎去換屏幕或硬件
check 下保養過期未,未過就可以免費拎去換屏幕或硬件

YOU MAY ALSO LIKE ...