【Fender TOUR】Fender全無線入耳鑑聽耳機Fender TOUR 結他界頂尖品牌再進化

Oct 1 2020

世界頂尖音樂品牌Fender，除結他、Amp、喇叭及有線耳機，今次終於推出首對無線耳機Fender TOUR，而且更是全無線入耳鑑聽耳機（True Wireless In-Ear Monitors）。到底今次初登場嘅Fender TOUR有幾特別？即刻睇睇！

撰文：海月｜圖片來源：Fender、海月

【Fender TOUR】Fender全無線入耳鑑聽耳機Fender TOUR 結他界頂尖品牌再進化

Fender多年嚟推出過唔少耳機，無論係初登場嘅FXA系列，抑或後來嘅ADL系列，每款出品都有強烈個性，以及對聲音的堅持，為追求極致音色享受嘅耳機用家帶來不斷進步嘅產品。

今次Fender推出全無線入耳鑑聽耳機Fender TOUR，集結Fender多年嚟嘅耳機開發及調音經驗，成功將當年FXA7的聲音表現重現，就算無線一樣好似有線一樣咁靚聲。而Fender TOUR配備藍牙5.0技術，7mm定制動圈單元，並支援acc、aptX、SBC等高質音效編碼傳輸，令用家無線一樣可以享受超高質音色。

喺Fender TOUR機內7mm定制動圈單元前方，設有特製內箱結構，加上低通濾波器設計有效減低高頻反射，加強高頻清晰度。同時，單元後方亦加入獨立腔體，不但可以增強低音表現，更唔會影響到中高音細緻，所以用落無論人聲抑或樂器聲都有清晰表現。

Fender TOUR其中一大特色就係外殼採用3D打印技術製作，以人體工學設計出貼耳外殼，做出NRR -20dB噪音阻隔，營造出出色環境隔音以及舒適佩戴效果。而耳機面板更以多重閃粉塗層製作，相比一般實色嘅無線耳機，Fender TOUR外殼透出有如夜空中星光一樣閃令令質感。而耳機上壓花嘅Fender標誌，亦係完全由人手上色，突顯製作用心、美觀及功能兼備。另外，值得一提嘅係當Fender TOUR喺開機、連接、關機，都有Fender招牌結他提示音，對Fans嚟講絕對有親切感。

Fender TOUR最長可連續播放5小時，配合結他盒造型嘅充電盒，有長達22小時續航。就算快充15分鐘，經已有1小時電量。另外，耳機內置雙咪降噪設計，配合高靈敏度收音咪及貼片陶瓷天線，令訊號更穩定大大提高語音通語質素。同時配有手機App《Fender TOUR》，用家可以自行設定個性化的聲音調校，及支援日後軟件更新及新增其他功能。