朱千雪為達成夢想做律師決離開娛圈重返校園 重溫劇集《踩過界》最受歡迎CP｜頭號粉絲
廣告
朱千雪於加拿大西門菲莎大學文學士畢業，不但外表甜美，且是學界叻女，自參選以來就十分有觀眾緣，成為港姐後，朱千雪未卸任便被無綫安排拍攝劇集 《 On Call 36小時 II 》，隨後更有劇集《踩過界》等參演多套劇集，之不過朱千雪卻志不在娛圈，反而逐漸淡出重返校園繼續追夢。
撰文、圖片：東方新地｜編輯：HM（原文刊於：東方新地）
朱千雪邊拍劇邊讀書
重返校園的朱千雪先在中文大學攻讀企業管理社會科學碩士學位，好學不倦的她，更緊接攻讀城市大學法律系博士學位，邊讀書邊拍劇，成績依然卓越。據知情者透露：「Tracy（朱千雪）好好學，佢覺得娛樂圈工作未必長久，希望趁年輕增值自己，擴闊內涵，將來可以有更多選擇，雖然邊讀書邊拍劇，但佢演戲好有天份又有觀眾緣，在學時拍嘅兩套劇《 EU超時任務》同《踩過界》都好受歡迎，雖然有好多工作撲埋嚟，但Tracy堅持讀書放第一位，只喺假期先接工作，臨近畢業呢兩年，更幾乎停晒演出！」
同無綫仍有合約 自斷演藝財路專心做律師
今年六月，朱千雪成功以優異成績取得法律系博士學位，隨即做實習生，九月正式受聘加入資深的張健利律師行成為執業大律師，專打刑事及民事案件，由港姐女神搖身一變成為法律界之花。據知情者透露：「Tracy雖然同無綫仲有合約，一路亦有唔少監製搵佢復出，但佢就唔太留戀演藝工作，反而想喺律師界發展，不過，話就話係做大律師，但係始終係啱啱起步，仍然係守嘅階段，唔會一嚟就有大case搵佢，初時收入唔會多，不過， Tracy好想接受挑戰，好有信心可以做到成績，為咗專注做好律師工作，太花時間嘅演出佢都推晒，唔介意犧牲賺錢機會，佢覺得自己使費唔多，想珍惜時間做自己鍾意嘅嘢！」
因《踩過界》成最受歡迎CP 4大必睇位
朱千雪有份主演的《踩過界》，近日在深宵重播，此劇更令王浩信17年首度封視帝，二人更是繼《 EU超時任務》後再續情緣，被喻為最受歡迎CP的兩人，劇中的一段情非常虐心，此外禽獸父子單立文和李家傑，亦為該劇帶起激烈話題！
