沈震軒陳欣妍拍拖三年打得火熱 「娛圈USB」收心養性實行同居試婚|頭號粉絲

流行娛樂

廣告

沈震軒曾為「娛圈USB」緋聞甚多,直至在2017年時,因電影《狼人遊戲》而認識到34C火辣身材的新晉演員陳欣妍,及後火速撻著成戀人;沈震軒同陳欣妍拍拖三年,不但在元朗加州花園同居試婚,仲齊齊做運動,禁室狂操,難怪浪子收心養性啦。

撰文、圖片:東方新地|編輯:HM(原文刊於:東方新地

沈震軒以往緋聞多 今為陳欣妍放棄整個森林

沈震軒入行十五年,一直等待機會上位,14年終於憑無綫劇《使徒行者》Kobe一角搶fo成功,當時有傳他是執三攤頂上,角色本屬森美,他因健康問題辭演後,馬德鐘都唔接,沈震軒才獲此機會,可惜翌年因為高調放風話約滿後唔再簽無綫被放入雪櫃,16年離巢向外闖,星海浮沉三年還是覺得樹大好遮蔭,沈震軒去年回巢拍劇兼簽埋邵氏,重新發力。

以往戀事多籮籮,媾女戰績彪炳的沈震軒,無論事業或感情都不再兒嬉,多年來對象包括賈曉晨(JJ)、倪晨曦、蔡思貝及唐詩詠等等,不過從來無人可以令他放棄整個森林,直至三年前遇上現任女友陳欣妍,沈震軒再沒與其他異性傳過緋聞,從此變得定性。二人因為合作拍微電影《狼人遊戲》一撻即著,當時沈震軒正處於事業樽頸位,陳欣妍剛出道毫無知名度,因為愛演戲而入行的她,去年與沈殷怡組成「Double S」為ViuTV演出行山真人騷《美女郊遊遊》,身穿性感bra top野外谷胸極度吸睛,成功令兩女彈起。

鼓勵陳欣妍行性感 二人禁室狂操

女友變成大眾性感女神,幾乎集集著bra露肉益街坊,難得沈震軒唔介意,仲身體力行支持到底,據知情者透露:「Sammy(沈震軒)覺得自己都係過來人,初出道畀人定型係花弗男,演嘅角色大部分都邪邪地,好多嘢都力不從心,好難洗底,條路會比較難行,不過佢就鼓勵Shirley(陳欣妍)放膽去做,性感唔係罪,只要肯堅持落去,一定會有路行。為咗令大家都操弗啲,Sammy仲花幾十萬喺佢加州花園屋企後園起咗個帳棚,入面放滿各式各樣嘅健身器械,總之由頸到腳都有得練啦!早前抗疫冇工開,佢同Shirley就 日 日 留 喺 屋 企 狂操,佢就練到筋肉人咁,女友就成個figure靚晒!」在沈震軒及陳欣妍的社交網內,有大量健身室的實地照片,所有健身器材都非常專業而且好巨型,除了這個在後園自建的健身室,屋內更有跑步機和多部單車機,完全不假外求,可以足不出戶鍛鍊身體。二人更互相拍下對方的健身片段及拍照,非常有情趣。

視女友為結婚對象街坊裝踢拖食早餐

日前沈震軒與陳欣妍一齊離開加州花園到附近食早餐,二人身穿街坊裝踢拖好貼地,食早餐期間卿卿我我傾唔停,食飽仲十指緊扣甜到漏,睇得出沈震軒對住女友「冧滋滋」,過往man爆浪子形象蕩然無存,早前他更公開畀定心丸陳欣妍:「我每次拍拖都會以結婚為目標,我係一個幾傳統嘅人,都37歲喇!覺得啱時間就會做,我都希望快啲成家立室。」

陳欣妍遊泰時疑失手中門大開?

陳欣妍近日她和男友沈震軒都泰國旅遊,狂Po清涼靚相,又拍片大玩「港女10式」,片中她僅著一件Bra Top加背心外套,中門大開大曬34C「八字波」,非常火辣。有網民發現她再次「進化」…詳情請看

陳欣妍有整容嗎?

憑ViuTV節目《美女郊遊遊》彈起的的陳欣妍(Shirley),曾被網民翻出19歲舊照,指她的五官和身形比19歲時都進化了不少…詳情請看