2020開學學生有甚麼電腦配件好用? 6款最優惠產品推介

2020開學學生有甚麼電腦配件好用? 6款最優惠產品推介

2020年又開學啦!今年因疫情問題好多學生延遲開學,但學點都要返,點樣可以返得安全啲?有咩隨身物品,如電腦配件可以細細件又功能多多呢?今次小編就推薦幾款既優惠又實用嘅科技產品,等你返學都返事半功倍。

撰文:Odin |圖片來源:產品官方圖片|編輯:Easy

2020開學學生有甚麼電腦配件好用?

1.曉彈嘅背包

AGS PRO 懸浮減壓背包 價錢:$788 購買連結
新一年返學點樣可以先聲奪人?梗係整返個型仔書包啦~呢款背包曉彈之餘又夠大,帶埋口罩消毒液都冇問題。呢款內置專利減壓彈簧嘅背包,可以隨住你個beat作出上下回彈,減少你肩頸嘅壓力;配埋防潑水物料,呢排倒水咁落大雨都無有怕。

AGS PRO 懸浮減壓背包
AGS PRO 懸浮減壓背包

 

2.隨地起壇

Specter Workspace 多功能電腦包 價錢:$299 購買連結
呢款多功能電腦包除咗可以保護你部筆電外,重點打開之後可以變成電腦支架,隨時隨地自製獨立工作站,既可保存私隱重可以同人保持安全距離,做起功課都安心啲。

Specter Workspace 多功能電腦包
Specter Workspace 多功能電腦包

 

3.水抹得甩嘅記事薄

美國 Rocketbook Everlast 雲端筆記本 價錢:約$398 購買連結
呢本望落同普通記事薄差唔多,其實薄仔細細功能唔少嘢,你去普通舖頭買支Pilot Frxion鋼珠筆寫完你想寫嘅嘢,本來擦唔甩嘅事,用濕紙巾濕一濕居然抹得甩,可以重複使用既乾淨又環保,寫完內容重可以上傳各大雲端資料庫或者直send email添。

美國 Rocketbook Everlast 雲端筆記本
美國 Rocketbook Everlast 雲端筆記本

 

4.潮款激薄玻璃鍵盤

Bastron 3合1 超薄破璃鍵盤 價錢:$1,580起 購買連結
趕功課點少得呢個薄薄嘅鍵盤,首先佢只係得7亳米薄配上防濺水嘅鋼化玻璃,鍵盤右上方重可以當mouse嚟用,兼可以同時支援3台notebook/mon同電話,背景重可以隨你心情切換顏色兼且清潔方便唔怕積塵,拎完出街抹一下就消完毒,真係既實用外型又夠潮。

Bastron 3合1 超薄破璃鍵盤
Bastron 3合1 超薄破璃鍵盤

 

5.無差別隨意打印

KongTen 口袋手握彩色打印機 M Brush 價錢:$999 購買連結
呢部只有7cm咁細嘅迷你打印機最神奇之處就係佢可以無差別隨意打印,你可以隨你喜好印喺唔同地方,連紙箱、袋甚至衣服都可以,只要係平面就可以進行打印,充一次電重可以用足6粒鐘,印label返學啱晒。

KongTen 口袋手握彩色打印機 M Brush
KongTen 口袋手握彩色打印機 M Brush

 

6.一按即濾水樽蓋

美國 CrazyCap 便攜滅菌 水樽蓋 價錢:$940 購買連結
疫情影響大家都關注消毒問題,更何況飲用水,呢個水樽蓋只要按一下,60秒內就可以殺死水樽入面99.99%細菌,但如果進入2分鐘瘋狂模式,重可以淨化河水,甚至消滅高達99.9999%細菌同99.9%病原體,懶啲可以直接淨化公共水機啲水,飲落都安心啲!而且充一次電更可用足一個月,唔使日日充電咁麻煩。

美國 CrazyCap 便攜滅菌 水樽蓋
美國 CrazyCap 便攜滅菌 水樽蓋
關鍵詞
科技控

YOU MAY ALSO LIKE ...