蕭正楠結婚兩年縱容老婆當湊女 黃翠如生活俹簁試過幾日都唔換襪?!|頭號粉絲

流行娛樂

廣告

蕭正楠同黃翠如結婚至今已兩年時間,但由於黃翠如出生於極富有家庭,是位千億千金,以前在家都絕不用入廚房兼做家務,所以當嫁給蕭正楠後,幾乎生活都全依賴蕭正楠;而蕭正楠得知老婆自小體弱多病,不但每日男煮內照顧老婆,果然係「育如一百歲,長憂九十九」。

 

撰文、圖片:東方新地|編輯:八卦妹(原文刊於:東方新地

大爆黃翠如生活「呢啡」 蕭正楠睇少眼都出事

黃翠如雖然是千億千金,但她為人貼地率性,不用開工做回自己,蕭正楠不止一次撕破老婆真面目,踢爆黃翠如原來有很多不為人知的生活習慣。先由人類最基本的生存需要飲食開始,有時黃翠如開工很忙,一日三餐就會很求其解決,蕭正楠需要很小心地照顧她,例如她在早上買了一個飯盒,但吃不完就會留至下午再吃,結果最後忘了吃,晚上就直接帶回家,因為不想浪費她會繼續吃那個飯盒。蕭正楠會跟她解釋飯盒擺放了一日不能再吃,然後會親自下廚煮東西給黃翠如吃;此外黃翠如甚至會一支水飲三日,同樣都要蕭正楠提醒她,隔了一日的水都不可以再飲,幫她倒掉並幫她重新斟另一樽,放入她的開工袋內,因為每逢黃翠如一開工,就會把所有事都會忘記得一乾二淨,蕭正楠睇少眼分分鐘都會出事。

早前蕭正楠為新劇《一笑渡凡間》開工,黃翠如拍緊《七公主》,兩公婆開工見到面亦會自拍放上社交網放閃,被指冤氣到爆。
早前蕭正楠為新劇《一笑渡凡間》開工,黃翠如拍緊《七公主》,兩公婆開工見到面亦會自拍放上社交網放閃,被指冤氣到爆。
早前黃翠如趁老公開工,自己去街市買餸煮飯,結果她迷失街市,買回家的即食包點及飲品被她全部消滅,只成功買了兩條魚片頭同兩棵芫荽。
早前黃翠如趁老公開工,自己去街市買餸煮飯,結果她迷失街市,買回家的即食包點及飲品被她全部消滅,只成功買了兩條魚片頭同兩棵芫荽。

身為無綫當家花旦的黃翠如,出鏡如彩雀,私底下卻甚為「呢啡」,蕭正楠曾經大爆老婆一對襪可以穿幾天才洗,他通常會在黃翠如不知情之下,幫她更換一對乾淨的襪子,平時在家亦經常要執拾她亂放的東西,雖然老婆麻甩又冇手尾,但蕭正楠竟覺得這些事是他們夫妻間的情趣。

恩愛夫妻形象深入民心,早前黃翠如同蕭正楠首次合體拍護膚廣告,攞正牌耍花槍。
恩愛夫妻形象深入民心,早前黃翠如同蕭正楠首次合體拍護膚廣告,攞正牌耍花槍。
18年在新西蘭旅行註冊結婚,19年在峇里補辦婚禮,蕭正楠與黃翠如一凹一凸變成絕配,對於老婆欠缺自理能力,蕭正楠並不介意,他願意肩負起照顧她的責任。
18年在新西蘭旅行註冊結婚,19年在峇里補辦婚禮,蕭正楠與黃翠如一凹一凸變成絕配,對於老婆欠缺自理能力,蕭正楠並不介意,他願意肩負起照顧她的責任。

老公無限縱容地獄廚神黃翠如

一個願捱一個願打,蕭正楠自認識黃翠如便擔起照顧她的責任,相反黃翠如亦樂於被照顧。對於婚後幸福度倍增,黃翠如曾公開表示與老公蕭正楠沒特別相處之道,只是對方放任她去做自己喜歡的事情:「佢縱我,多過我縱佢,佢從來唔會改變我任何嘢,所以我哋一路嘅相處都好舒服。」有老公縱係就係幸福,不過黃翠如好似永遠都唔識長大,而蕭正楠就當佢女咁湊,遇上忙拍劇日夜顛倒的日子,蕭正楠時刻擔心老婆一日三餐溫飽,開工前會煮定嘢畀佢食,又要確保屋企有足夠的糧餉,38歲人連煮碟雞翼都可以變成黑炭雞翼,難怪蕭正楠如此放心不下。

43歲蕭正楠結婚兩年當湊女 無限縱容地獄廚神黃翠如

老婆唔識照顧自己,令蕭正楠開工都唔安樂,要叮囑黃翠如留在家中要食嘢,唔好餓死。
老婆唔識照顧自己,令蕭正楠開工都唔安樂,要叮囑黃翠如留在家中要食嘢,唔好餓死。
黃翠如煎雞翼咁簡單都可以燒焦,肯定係圈中排頭三甲的地獄廚神。
黃翠如煎雞翼咁簡單都可以燒焦,肯定係圈中排頭三甲的地獄廚神。
蕭正楠為黃翠如煮過無數愛心菜式,全部都色香味俱全,當中包括他自己命名的「鳥巢驚魂」炒飯及「心靈雞粥」。
蕭正楠為黃翠如煮過無數愛心菜式,全部都色香味俱全,當中包括他自己命名的「鳥巢驚魂」炒飯及「心靈雞粥」。

近月疫情下開工日子大減,蕭正楠本來想放手讓黃翠如體驗生活學習自理,不過成效似乎不太理想,據知情者透露:「翠如自小都係瘦蜢蜢又多病痛,成日都話見暈,仲一啲運動細胞都冇,四肢好似唔協調咁,其實未有疫情阿蕭(蕭正楠)已經成日拉翠如一齊做運動,希望佢唔好咁孱弱,點知郁兩郁佢就頂唔住周身痛,之後疫情殺到就更加冇郁動啦!冇得出街留喺屋企抗炎,阿蕭就日日煮好嘢畀翠如食,真係飯來張口,習慣咗好難改,依家翠如更加依賴個老公。試過阿蕭要開工拍劇,翠如話去街市買定餸煮飯,結果佢買埋啲即食嘢,阿蕭對老婆煮到餐正常飯完全冇期望,間中翠如都有試吓煮,不過佢係真正嘅地獄廚神,阿蕭笑住話食翠如嘅嘢只係為咗生存。」

日前蕭正楠在社交網上載食早餐的照片,直言每日都有人等佢起身煮早餐,仲hashtag住魚糧,等食的人肯定係黃翠如。
日前蕭正楠在社交網上載食早餐的照片,直言每日都有人等佢起身煮早餐,仲hashtag住魚糧,等食的人肯定係黃翠如。
黃翠如自小體弱多病,小時候試過幾次撞穿頭,經常出入醫院,長大後依然弱不禁風。
黃翠如自小體弱多病,小時候試過幾次撞穿頭,經常出入醫院,長大後依然弱不禁風。
身形紙咁薄的黃翠如,零運動細胞,底子弱曾經行山見暈,老公蕭正楠為幫她鍛鍊身體,陪她打羽毛球。
身形紙咁薄的黃翠如,零運動細胞,底子弱曾經行山見暈,老公蕭正楠為幫她鍛鍊身體,陪她打羽毛球。
婚後的黃翠如受到蕭正楠感染,開始注重健康飲食,透過良好的飲食習慣改善其體質。
婚後的黃翠如受到蕭正楠感染,開始注重健康飲食,透過良好的飲食習慣改善其體質。

黃翠如動作片搞唔掂

做主播出身的黃翠如,牙尖嘴利口才了得,由有線過檔無綫八年,主持旅遊節目上位再拍劇做女一,所有角色都係文戲多,動作場面絕無僅有。主要原因是黃翠如天生硬骨頭,莫講話打戲,拉筋都搞唔掂,又怕佢體弱容易受傷,所以近年很少監製敢搵佢拍要打打殺殺的劇集。

《七公主》飾演做大律師的大公主。
《七公主》飾演做大律師的大公主。
《過街英雄》飾演愛扮鬼扮馬的私家偵探。
《過街英雄》飾演愛扮鬼扮馬的私家偵探。
《那些我愛過的人》 飾演苦情單親媽媽。
《那些我愛過的人》 飾演苦情單親媽媽。