38歲張頴康與麥雅緻溫馨四口三層大屋曝光 慳儉顧家好形象助上位!
廣告
張頴康同麥雅緻2012年結婚,婚後先後生咗大女張雅喬 ( 小豆 ) 同細仔張迅橋 ( 小花生 ),湊成好字幸福到暈。雖然麥雅緻2016年因為《 東張西望 》大執位失去穩定主持工作,不過性格樂觀又知足常樂,其後老公張頴康勤力拍劇搵家用,麥雅緻亦都身兼多職轉型成為多元藝人,仲為兒女重返校園修讀教育大學兒童及家庭教育文學碩士。眨吓眼大女小豆已經六歲開學就升小學,近月留家抗疫,小豆同細佬小花生日日在家,媽媽麥雅緻絞盡腦汁為小朋友安排在家中的活動,而兩位小朋友充分發揮創意,不時幫爸爸張頴康轉造型,非常搞笑。
撰文、圖片:東方新地丨原文刊於:東方新地丨編輯:白子
張頴康慳儉顧家好形象助上位
結婚八年、為人父母六年,雖然家有一對兒女,難得張頴康依然擺老婆喺第一位,不時喺 IG 公開示愛又嘆相逢恨晚,恨不得早啲發動攻勢早啲娶太太過門。其實張頴康加入電視台十四年,一路走來星路唔算平坦,默默耕耘捱足多年至上到男二呢個位,不過勝在為人慳儉又顧家,一早量力而為喺粉嶺購入三層村屋做四口之家。係就係遠咗少少, 但 follow 開兩公婆個 IG 就見到,三層村屋地方闊落、間隔實用,內裡又溫馨充滿家嘅感覺,唔使太豪華樂也融融已經夠幸福。
關鍵詞
頭號粉絲